PDA

View Full Version : یہ معجزہ بھی محبت کبھی دکھائے مجھے



تانیہ
12-22-2010, 12:17 AM
یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے
میں اپنے پاؤں تلے روندتا ہوں سائے کو
بدن مرا سہی، دوپہر نہ بھائے مجھے
میں گھر سے تیری تمنا پہن کے جب نکلوں
برہنہ شہر میں *کوئی نظر نہ آئے مجھے
وہی تو سب سے زیادہ ہے نکتہ چیں میرا
جو مسکرا کے ہمیشہ گلے لگائے مجھے
وہ میرا دوست ہے سارے جہاں*کو ہے معلوم
دغا کرے وہ کسی سے تو شرم آئے مجھے
میں اپنی ذات میں نیلام ہورہا ہوں قتیل
غمِ حیات سے کہہ دو خرید لائے مجھے
شاعر قتیل شفائی

این اے ناصر
03-31-2012, 01:42 PM
واہ بہت خوب۔ شکریہ

نگار
10-27-2012, 10:57 PM
میں گھر سے تیری تمنا پہن کے جب نکلوں
برہنہ شہر میں *کوئی نظر نہ آئے مجھے

واہ کیا بات ہے شکریہ