PDA

View Full Version : سپورٹ ختم، واٹس ایپ نے ونڈوز فون میں کام کرنا بند کر دیا



حبیب صادق
01-02-2020, 12:38 AM
سپورٹ ختم، واٹس ایپ نے ونڈوز فون میں کام کرنا بند کر دیا
http://www.oururdu.com/forums/index.php?attachments/upload_2020-1-2_0-37-18-jpeg.43065/&temp_hash=9607d10f7f7a2025dd9eb4fbea87753f
سوشل میڈیا کی مشہور ویب سائٹ فیس بک کی زیر ملکیت واٹس ایپ نے نئے سال کا آغاز ہوتے ہی ونڈوز فون میں کام کرنا بند کردیا۔


غیر ملکی خبر رساں ادارے کے مطابق 2019 کے اختتام کے ساتھ ہی فیس بک کی زیر ملکیت میسجنگ ایپلی کیشن واٹس ایپ نے ونڈوز فونز کی سپورٹ ختم کردی اور اب مذکورہ فونز میں واٹس ایپ استعمال نہیں کیا جاسکے گا۔


خبر رساں ادارے کا کہنا تھا کہ سال 2020 کا آغاز ہوتے ہی تمام ونڈوز فونز میں واٹس ایپ نے چلنا بند کردیا۔


واٹس ایپ انتظامیہ نے گزشتہ برس ہی اس بات کا اعلان کردیا تھا کہ 2020 آغاز ہوتے ہی ونڈوز فونز کے لیے واٹس ایپ کی سپورٹ ختم کردی جائے گی اور گزشتہ شب ان فونز کی سپورٹ ختم کردی گئی۔


نئے سال کے آغاز سے ہی ونڈوز فون واٹس ایپ کی سپورٹ سے محروم ہوگئے ہیں تاہم ممکن ہے کہ بعض فونز پر اب بھی واٹس ایپ چل رہا ہو لیکن ان پر بھی واٹس ایپ جلد ہی بند ہوجائے گا۔


جن افراد کے پاس ونڈوز فون تھے اب انہیں ونڈوز فونز کی جگہ اینڈرائیڈ 4.0.3 یا اس کے بعد کے آپریٹنگ سسٹم پر چلنے والے، آئی فون آئی او ایس 9 یا اس سے کے بعد کے ورژن، کائی او ایس 2.5.1 وغیرہ پر کام کرنے والے فونز کا استعمال شروع کرنا ہوگا۔


واٹس ایپ کے مطابق ونڈوز فونز میں اب وہ اہلیت نہیں رہی جو مستقبل میں اس ایپ میں متعارف کرائے جانے والے فیچرز کے لیے ضروری ہوگی۔


واٹس ایپ کی جانب سے ونڈوز آپریٹنگ سسٹم کی سپورٹ ختم کرنے کا فیصلہ اس کے ڈیڑھ ارب سے زائد صارفین میں سے چند کروڑ افراد کو ہی متاثر کرسکے گا کیونکہ بیشتر افراد اب اینڈرائیڈ یا آئی فون استعمال کررہے ہیں۔

Maria
01-03-2020, 11:05 AM
معلومات شیئر کرنے کا شکریہ

حبیب صادق
01-04-2020, 01:49 AM
پسند اور جواب کا شکریہ