PDA

View Full Version : تا بہ مقدور انتظار کیا



تانیہ
12-22-2010, 11:55 AM
تا بہ مقدور انتظار کیا
دل نے اب زور بے قرار کیا
دشمنی ہم سے کی زمانے نے
کہ جفاکار تجھ سا یار کیا
یہ توہم کا کارخانہ ہے
یاں وہی ہے جو اعتبار کیا
ایک ناوک نے اس کی مژگاں کے
طائرِ سدرہ تک شکار کیا
ہم فقیروں سے بے ادائی کیا
آن بیٹھے جو تم نے پیار کیا
سخت کافر تھا جن نے پہلے میر
مذہبِ عشق اختیار کیا
شاعر میر تقی میر

این اے ناصر
04-03-2012, 09:44 AM
واہ بہت خوب۔ شئیرنگ کاشکریہ۔