PDA

View Full Version : ایپل:سام سنگ کے خلاف قانونی جیت



این اے ناصر
09-11-2011, 01:23 PM
جرمنی کی عدالت نے ٹیکنالوجی کمپنی سام سنگ کو اپنے ٹیبلٹ کمپیوٹرز کی فروخت یہ کہہ کر روکنے کا حکم دیا ہے کہ یہ آئی پیڈ کی نقل ہے۔

http://mac.blorge.com/wp-content/uploads/2008/12/macbooknano1.jpg

جرمنی کے مغربی شہر ڈسلڈف کی عدالت نے اپنے فیصلے میں کہا ہے کہ کوریائی کمپنی سام سنگ نے اپنا ٹیبلٹ کمپیوٹر گیلکسی ٹیب بناتے ہوئے آئی پیڈ اور آئی فون کی ٹیکنالوجی کی نقل کی ہے۔

اگرچہ جرمن عدالت کے موجودہ حکم کا اطلاق صرف جرمنی میں ہوگا، تاہم نامہ نگاروں کا کہنا ہے کہ اپیل اس عدالتی فیصلے کو بنیاد بنا کر دیگر یورپی ملکوں سے بھی گیلکسی ٹیب کی فروخت پر پابندی لگانے کی درخواست کر سکتی ہے۔

عدالت کے جج نے کہا ہے کہ ایپل اور سام سنگ کی مصنوعات میں ’واضح مشابہت‘ ہے۔

عدالت نے کہا ہے کہ وہ صرف اسی صورت میں یورپ سے باہر ہیڈکوارٹر رکھنے والی کسی کمپنی کے حق میں یورپ بھر میں فروخت پر پابندی کا حکم جاری کر سکتی ہے اگر اس کمپنی کی کوئی جرمن ذیلی کمپنی ہوتی اور یہ درخواست اسی ذیلی فرم کی طرف سے آئی ہوتی۔

یاد رہے کہ ایپل کا اپنے دیگر حریفوں کے ساتھ بھی ویب پیٹنٹ پر تنازعہ چل رہا ہے۔

ایپل کا دعوٰی ہے کہ تائیوان کی کمپنی ایچ ٹی سی نے اس کے پیٹنٹ کی خلاف ورزی کی ہے۔

ٹیکنالوجی کے حقوق کے سلسلے میں ایپل کے اپنے امریکی حریف موٹرولا کے ساتھ بھی تنازعہ چل رہا ہے۔

سورس ربط ۔ بی بی سی (http://www.bbc.co.uk/urdu/science/2011/09/110909_apple_samsung_si.shtml)

anwar_hussain
11-14-2011, 02:14 AM
بہت اچھی شیئرنگ کی ہے