PDA

View Full Version : موبائل اور لیپ ٹاپ اب کپڑوں کے ذریعے چارج



این اے ناصر
09-13-2011, 08:26 PM
ایسی جگہ کام کرتے ہوئے جہاں بجلی کی سہولت میسر نہ ہو, موبائل یا لیپ ٹاپ کی بیٹری ختم ہوجانا ایک ڈراؤنے خواب سے کم نہیں ہے. مگر اب فکر کی ضرورت نہیں ہے، بہت جلد آپ اپنے کپڑوں سے ہی موبائل چارج کرنے کے قابل ہوجائیں گے۔


تاہم اب چند برسوں بعد ایسی بحرانی صورتحال ماضی کی بات بن جائے گی، کیونکہ محققین اب ٹیکنالوجی کو لباس کا حصہ بنانے کے لیے کوشاں ہیں۔ سائنسدان اور ملبوسات بنانے والے ایسے تجربات میں مصروف ہیں کہ سولر سیلز کو کوٹ، جیکٹس اور بیگز میں نصب کر دیا جائے۔ اس طرح موبائل، لیپ ٹاپس اور اس طرح کی دیگر چھوٹی الیکٹرونک ڈیوائسز کے لیے پاور فراہم کی جا سکے گی۔

روایتی سیلیکان سولر سیل غیر لچکدار ہوتے ہیں اور اس لیے یہ کپڑے کے لیے ناموزوں ہیں۔ تاہم اب جرمن شہر فرائی برگ میں قائم فرانھوفر انسٹیٹیوٹ فار سولر انرجی سسٹم (ISE) نے پولیمر فوائل پر آرگینک یعنی نامیاتی سولر سیل پرنٹ کرنے میں کامیابی حاصل کر لی ہے۔ یہ وہ کامیابی ہے جو میونخ میں قائم لباس تیار کرنے والی ایک کمپنی Lodenfrey کے لیے انتہائی دلچسپی کی حامل ہے۔

کے مردانہ لباس تیار کرنے والے ڈیپارٹمنٹ کے سربراہ کلاؤس فاؤسٹ Klaus Faust کے مطابق: ’’ میرے خیال میں یہ انتہائی دلچسپ بات ہے کہ آپ سورج کی روشنی میں گھوم پھر رہے ہیں اور آپ کا موبائل فون چارج ہو رہا ہے۔‘‘

تاہم سولر سیل نصب شدہ جیکٹس اس وقت تک مارکیٹ میں فروخت کے لیے دستیاب نہیں ہوں گی جب تک اس حوالے سے مختلف مسائل پر قابو نہیں پا لیا جاتا۔ ان مسائل میں سے ایک، ایسے لباس کی دھلائی ہے، کیونکہ پولیمر فوائل پر اب تک تیار کردہ سولر سیل 60 ڈگری سینٹی گریڈ پر ہونے والی مشین کی دھلائی کا مقابلہ نہیں کر سکتے۔

رپورٹ: افسر اعوان

ادارت: ندیم گِل

ڈی ڈبلیو، جرمنی

پاکستانی
09-14-2011, 01:07 PM
خوشخبری کے ساتھ مسائل کا رونا، بہرحال سائنس جیسی بلا اس پر بھی قابو پا لے گی کہ کپڑے دھل کر تیار اور ساتھ میں سولر سیل بھی .......... خوب رہے گا

anwar_hussain
11-14-2011, 02:11 AM
گریڈڈڈڈڈڈڈڈڈڈڈدد