PDA

View Full Version : غزل .. امان اللہ ارشد



خان بلوچا
11-09-2011, 06:43 PM
ڈے میڈیاں اکھیں میکوں نیریں سمیت
گِھن اے اپڑیں خواب تعبیریں سمیت
بُھل ونجاں نہ آپڑیں اوقات کوں
میکوں دفناویں میڈیں لیریں سمیت
وقت دے دھوئیں ھے کر چھوریا دُوانک
دل دی الماری کوں تصویریں سمیت
بے گناہ تھی تے وی میں بے قیمتا
معتبر توں اتنی تعزیریں سمیت
ذہن باغی تھی گے ہُنڑ مظلوم دا
کھس گھنی ترکش متاں تیریں سمیت
اے جیڈا اے کون سرکش ھے جیکوں
دار تے آندا گے زنجیریں سمیت
کیڑھی کیڑھی گالھوں ارشد مُکرسیں
تیں ڈے آ گیاں تیڈیں تحریریں سمیت

الکرم
04-07-2012, 11:43 AM
بہوں سوہنڑی غزل ہئے سائیں
شالا خُش پئے تھیوو