PDA

View Full Version : پتلے و موٹے جسم پر پانی کے اثرات



تانیہ
01-15-2012, 01:02 AM
پانی نہ انسانی بدن کو پتلا کرتا ہے اور نہ ہی موٹا ۔ عام طور پر کہہ دیا جاتا ہے کہ وہ لوگ جو اپنے وزن کو کم کرنا چاہیتے ہیں زیادہ پانی پیئیں ۔ کیا یہ بات سائنسی نقطہ نظر سے صحیح ہے ؟
روزانہ 6 سے 8 پانی کے گلاس پینا ضروری ہیں البتہ اگر پانی کم استعمال کریں اور اس کے ساتھ چاۓ کا استعمال کیا جاۓ تو بھی پانی کی کمی کو پورا کیا جا سکتا ہے ۔ اس کے ساتھ انسان سبزی جات ، پھلوں ، دودھ ،انڈوں اور لسی کے استعمال سے بھی پانی کی ضرورت پوری کر سکتا ہے ۔ ہاں اگر کوئی گرم آب وہوا میں رہ رہا ہو یا جسم کی فعالیت زیادہ ہو تو ظاہر بات ہے کہ ایسے شخص کو زیادہ پانی کو ضرورت محسوس ہو گی ۔
حقیقت میں پانی نہ تو پتلا کرتا ہے اور نہ ہی موٹا ۔ پانی میں کیلری بھی صفر ہوتی ہے ۔ ہاں جو لوگ خود کو پتلا کرنے کے لیۓ ڈائٹنگ کرتے ہیں اور خوراک کا استعمال کم کر دیتے ہیں تو اس صورت میں انہیں پانی کا استعمال زیادہ کرنا چاہیۓ ، اس کی وجہ یہ ہے جب انسان غذا نہیں کھاۓ گا تو اس کے اپنے بدن کی چربی استعمال میں آۓ گی اور کیونکہ چربی پانی کی مدد سے بدن سے خارج ہوتی ہے اس لیۓ پانی یہاں پر مفید ثابت ہوتا ہے ۔

یہ تصوّر قائم نہیں کر لینا چاہیۓ کہ پانی پینے سے کوئی پتلا ہو جاۓ گا ۔ البتہ کھانا کھانے سے اگر آدھا گھنٹہ پہلے پانی پی لیا جاۓ تو یہ بھوک کو ایک حد تک کم کر دیتا ہے اور یوں متعلقہ شخص کھانا کم کھاۓ گا ۔

کیلری کی جو مقدار اس درجہ حرارت کو پورا کرنے کے لیۓ مصرف ہوتی ہے وہ بہت ہی کم یعنی نہ ہونے کے برابر ہوتی ہے اس لیۓ اس سے وزن کم نہیں ہوتا ہے ۔ اس کےعلاوہ قابل ذکر بات یہ کہ ٹھڈا پانی معدہ کے لیۓ مفید نہیں ہوتا ہے ۔
دوسری پینے والی چیزیں مثلا لسی ، سرکہ، پودوں کا عرق، جوس اور دوسری اس طرح کی چیزیں بھی بے حد مفید ہیں ۔ البتہ ان میں کیلوری کی مقدار کو لازمی طور پر حساب کر لینا چاہیۓ ۔ پینے والی چیزوں کے استعمال سے بدن نہ صرف ضروری مائعات دریافت کر لیتا ہے بلکہ اس کے کام کرنے کی صلاحیت میں بھی تعادل آتا اور گردے میں پتھری جیسی بیماریوں سے محفوظ رہتا ہے ۔

ورزش کرنے والے شخص کو زیادہ پانی کی ضرورت ہوتی ہے

سادہ اور واضح ہے کہ جب کوئی شخص فعالیت کی حالت میں ہے تو اس کو خوراک کی ضرورت بھی زیادہ ہوتی ہے ۔ ایک ورزش کرنے والا شخص جب ایک گھنٹہ کسی گرم ہوا میں ورزش کرتا ہے تو 6 کپ کے قریب پسینہ اس کے بدن سے خارج ہو جاتا ہے ۔ یوں اس کے جسم میں پانی کی کمی واقع ہو جاتی ہے جس کو پورا کرنے کے لیۓ پانی کا استعمال اسی مقدار میں ضروری ہو جاتا ہے ۔ پانی کے علاوہ سوڈیم اور کلورین بھی ایسے شخص کے جسم سے پسینے کے ساتھ دفع ہو جاتی ہے ۔ اس لیۓ سوڈیم اور کلورین کو بھی پانی میں شامل کرکے ایسے شخص کو استعمال کرنا چاہیۓ ۔

محمدمعروف
01-15-2012, 02:49 PM
مفید معلومات شئیر کرنے کا شکریہ
انسانی جسم میں پانی غذا کے ہضم و جذب کا فعل سر انجام دیتا ہے اور جسمانی بافتوں کو تراوٹ پہنچاتا ہے۔اور پانی کی ضرورت موسم،ماحول اور کسی علاقے کی آب و ہوا کے لحاظ سے مختلف ہوتی ہے پانی کے استعمال سے دوران خون بہتر ہوجاتا ہے اور غذا جسم کے تمام حصوں تک بسہولت پہنچ جاتی ہے ۔
اور اس کا موٹاپے یا دبلے پن کے ساتھ کوئی تعلق ابھی تک میری بھی نظر سے نہیں گزرا۔

بےباک
02-02-2012, 01:11 PM
خوب خوب جناب ،
صحت اور عافیت کی باتیں ہو رہی ہیں ،:photosmile::91: کھانے پینے کی بھی ،
جزاک اللہ

این اے ناصر
04-03-2012, 10:12 AM
مفید معلومات کےلیے بہت شکریہ