PDA

View Full Version : کب اُداسی پیام ہوتی ہے



عبادت
01-19-2012, 04:02 PM
کب اُداسی پیام ہوتی ہے ؟
جب محبت تمام ہوتی ہے

کس کے چہرے پہ صبح جاگے ہے ؟
جس کی آنکھوں میں شام ہوتی ہے

عشق بنتا ہے کس گھڑی صّیاد ؟
جب وفا زِیر دام ہوتی ہے

ٹیس بنتی ہے آگہی کیسے ؟
خود سے جب ہم کلام ہوتی ہے

کیا کمی ہے طلب کی راہوں میں ؟
گفتگو نا تمام ہوتی ہے

دل کو بھاتی ہے کب صبا بولو؟
جب کسی کا پیام ہوتی ہے

یہ محبت ہے کیا بتاؤ گے؟
خاص شے ہے جو عام ہوتی ہے

این اے ناصر
04-16-2012, 09:37 AM
واہ بہت خوب جناب ۔ شئیرنگ کاشکریہ۔