PDA

View Full Version : میں اب سونے سے ڈرتا ہوں



تا بی
04-28-2012, 04:13 AM
کہا تھا ناں!
مجھے تم اِس طرح سوتے ہوئے مت چھوڑ کر جانا
مجھے بےشک جگا دینا
بتا دینا
محبت کے سفر میں ساتھ میرے چل نہیں سکتی
جدائی میں، ہجر میں، ساتھ میرے جل نہیں سکتی
تمہیں رستہ بدلنا ہے
مری حد سے نکلنا ہے
تمھیں کس بات کا ڈر تھا
تمھیں جانے نہیں دیتا؟
کہیں پہ قید کر لیتا؟
ارے پگلی!
محبت کی طبیعت میں
زبردستی نہیں ہوتی
جسےرستہ بدلنا ہو، اُسے رستہ بدلنے سے
جسے حد سے نکلنا ہو، اُسے حد سے نکلنے سے
نہ کوئی روک پایا ہے
نہ کوئی روک پائے گا
تمھیں کس بات کا ڈر تھا
مجھے بے شک جگا دیتی
میں تم کو دیکھ ہی لیتا
تمھیں کوئی دعا دیتا
کم از کم یوں تو نہ ہوتا!
مرے ساتھی حقیقت ہے
تمہارے بعد کھونے کے لئے کچھ بھی نہیں باقی
مگر کھونے سے ڈرتا ہوں
میں اب سونے سے ڈرتا ہوں

نگار
04-29-2012, 11:20 AM
تمہارے بعد کھونے کے لئے کچھ بھی نہیں باقی
مگر کھونے سے ڈرتا ہوں
میں اب سونے سے ڈرتا ہوں


بہت خوب ۔۔۔زبردست

شکریہ آپکا

لاجواب
04-29-2012, 05:22 PM
بہت خوب ۔۔۔زبردست

بےباک
05-01-2012, 09:51 PM
بہت خوب جناب ، تابی جی