PDA

View Full Version : اب بھلا چھوڑ کے گھر کیا کرتے



گلاب خان
07-11-2012, 05:23 PM
اب بھلا چھوڑ کے گھر کیا کرتے
شام کے وقت سفر کیا کرتے

تیری مصروفیتیں جانتے ہیں
اپنے آنے کی خبر کیا کرتے

جب ستارے ہی نہیں مل پائے
لے کے ہم شمس و قمر کیا کرتے

وہ مسافر ہی کھلی دھوپ کا تھا
سائے پھیلا کے شجر کیا کرتے

خاک ہی اوّل و آخر ٹھہری
کر کے ذرّے کو گہر کیا کرتے

رائے پہلے سے بنا لی تو نے
دل میں اب ہم تیرے گھر کیا کرتے

عشق نے سارے سلیقے بخشے
حسن سے کسبِ ہنر کیا کرتے
(پروین شاکر)

نگار
08-17-2012, 02:57 AM
رائے پہلے سے بنا لی تو نے
دل میں اب ہم تیرے گھر کیا کرتے

واہ بہت خوب