PDA

View Full Version : رہبرِ کارواں حُسینؓ، رہرہِ بے گماں حُسینؓ



زیرک
07-23-2012, 08:29 PM
منقبتِ نواسۂ رسولؐ حضرت امام حُسینؓ

رہبرِ کارواں حُسینؓ، رہرہِ بے گماں حُسینؓ
آج مگر کہاں حُسینؓ، مرکزِ ہر فغاں حُسینؓ
ہائے قتیلِ بے خطا، ہائے شہیدِ بارضا
دشتِ بلا میں بے نوا، راقمِ داستاں حُسینؓ
اصغرؓ و اکبرؓ و عباسؓ، کوئی نہیں ہے آج پاس
گویا وفا ہے حرفِ یاس، پیکرِ بے زباں حُسینؓ
دِین پناہ و حق نگر، مُشکل کُشا و چارہ گر
گھر بھی لُٹا، کٹا ہے سر، حیرتِ دوجہاں حُسینؓ
زُلفِ نبیؐ کا خَم تُوئی، دستِ علیؓ کا دَم تُوئی
لوح بھی اور قلم تُوئی، تیرا نشاں عیاں حُسینؓ
واصفِؔ بے نشاں بھلا، کیوں نہ کہے یہ برملا
کوئی تیرے سوا بھی تھا، دِین کا پاسباں حُسینؓ

واصف علی واصفؔ

pervaz khan
07-23-2012, 09:06 PM
جزاک اللہ