PDA

View Full Version : ربّا تیرے ہون اُتے شک



زیرک
08-04-2012, 12:06 AM
ربّا تیرے ہون اُتے شک

اِک نِکّا جیہا بال
جیہدے پھٹّے ہوئے کپڑے
تے کِھلرے ہوئے وال
جدّوں اَدّھی راتیں
گاہکاں دی چھڈّی ہوئی دال
نال روٹی کھان بہندا
ربّا اودوں تیرے ہون اُتے شک جیہا پیندا

کوئی ملُوک جیہی چِڑی
جیہنوں کُکھ وِچ مارنے دی
چرچہ اے چِھڑی
اج پتّہ پتّہ کِیتی
اجے کل ہی سی کِھڑی
جیہدے گھر دا شکاری
اوہدے کھنبھ نوچ لیندا
ربّا اودوں تیرے ہون اُتے شک جیہا پیندا

کوئی رئیس زمیندار
جیہڑا نشے وِچ گل
کَکھ وَڈھدی کُڑی دے
ویہندا پھٹّے ہوئے جل
جدوں کھیتوں وَڈّھی بَھرّی دا
چکاؤن لئی مُل
اوہدی چُنی پھڑ لیندا
ربّا اودوں تیرے ہون اُتے شک جیہا پیندا

جیہڑا راشن لیاؤن لئی
رکھیا اے گھر
بس پینشن دے دن
جیہدی لئی دی خبر
کاش آؤندی سنگراند تک
جاوے بڑا مر
جدوں اپنا ہی جمیا
ایہو جی گَل کیہندا
ربّا اودوں تیرے ہون اُتے شک جیہا پیندا

بھرّے جوبنے دی رُت
کسے حادثے دی بَلّی
جیہدا چڑھ جاوے پُت
اوہدی ممتا دے موہرے
تیرا سونے والا بُت
جدوں چُپ کھڑا رہندا
ربّا اودوں تیرے ہون اُتے شک جیہا پیندا

جیہنے پڑھن حوالے
کیتی ساری ساؤنی ہاڑی
جیہڑا کڈھدا رہیا سی فِیساں
کر کے دِیہاڑی
کل صاحب نے وَگا کے
اوہدی ڈگری سی ماری
لینی نوکری جے کاکا
پنج لکھ لگُّو کیہندا
ربّا اودوں تیرے ہون اُتے شک جیہا پیندا

جیہڑے کاغذاں تے
لِکھ گئے سدیویں الفاظ
پئی دوکاناں وِچ وچاریاں دی
رُل گئی کتاب
میرے جیہا تاں کوئی ایویں
لِیکاں مار کے جناب
جدوں "واہ واہ" کَھٹ لیندا
ربّا اودوں تیرے ہون اُتے شک جیہا پیندا

خوشحالؔ سنگھ