PDA

View Full Version : اِک پردیسی یار بنایا



زیرک
08-11-2012, 07:06 PM
اِک پردیسی یار بنایا
اُڈیا باز تے فیر نئیں آیا
کیہہ کَٹھیا جس نیوں نئیں لایا
جس نے لایا او پچھتایا
رَل مِل مینُوں دیو وَدھائی
میرے ویہڑے جوگی آیا
کُجھ تے دَسّو کیہہ ہویا اے
مینوُں کیوں سب نیں پَرچایا
چنگی وا وچھوڑے والی
جس نیں ساہنُوں گَل نال لایا
“ب“ دے جھگڑے سارے مُک گئے
“ا“ اَکَلّا نظرِیں آیا
خیر دِیاں خبراں آون شالا
واصفؔ دل دا پُھل کُملایا

واصف علی واصفؔ