PDA

View Full Version : کیہہ کرّاں اکلاپے دا



مٹھے کریلے
08-11-2012, 07:11 PM
کیہہ کرّاں اکلاپے دا
اپنے دِھی پُت ما پے دا
گُھجّا درد جُدائی والا
اَج نئیں کل جاپے دا
اَنّھے بَولے راہ وَکھاون
رونا ایس سیاپے دا
ساتھوں ساڈا حال نہ پُچِھیں
سانُوں لا کے آپے دا
ہر چہرے وِچ لَکھّاں چہرے
آیا دَور وَٹاپے دا
ہر بندے تے جھولا پیندا
سانُوں اِک سراپے دا
واصفؔ ملہاراں دے سِر تے
دِیپک راگ اَلاپے دا

واصف علی واصفؔ