PDA

View Full Version : خورمہ ، دل پسند، تل کی چٹنی



شہزادی
12-27-2012, 10:42 AM
خورمہ:

مٹن: 1 کیلو
پیاز: 2 عدد
دہی: 400 گرام
مونگ پھلی: 50 گرام (بھون کر پیس لیں)
ناریل پاؤڈر: 50 گرام
خشخش: 1 کھانے کا چمچہ
لال مرچ پاؤڈر: حسبِ ذائقہ
ہلدی پاوڈر: ہالف چائے کا چمچہ
نمک: حسبِ ذائقہ
تیل: ہالف کپ
ادرک لہسن پیسٹ: 2 چائے کے چمچے
لیموں کا رس: 1 لیمو
گرم مسالہ پاؤڈر: 1 چائے کا چمچہ
ہرا دھنیہ: حسبِ ضرورت

ترکیب
پیاز باریک کاٹ کر تیل میں فرائی کرلیں ، پھر اس میں گوشت ، ادرک لہسن پیسٹ ، نمک ، لال مرچ پاؤڈر ، ہلدی پاوڈر ، مونگ پھلی پاؤڈر ، ناریل پاوڈر ،خشخش پاؤڈر اور دہی ڈال کر اچھی طرح بھون لیں۔ پھر اس میں پانی ڈالیں کہ گوشت گل جائے ، گوشت گل جائے تو اس میں گرم مسالہ پاؤڈر ، لیمو کا رس اور ہرا دھنیہ ڈال کر دھیمی آنچ پر تھوڑی دیر پکائیں اور گرما گرم روٹی کے ساتھ سرو کریں۔

دل پسند:

گوشت: (بغیر ہڈی) : 1/2 کیلو
پیاز (باریک کٹی ہوئی) 250 گرام
لہسن: 8 جوئے
ادرک: 1 انچ (باریک پیس لیں)
ثابت لال مرچ: کاٹ لیں
ہری مرچ: 3 عدد
چھوٹی الائچی: 2 عدد
دہی: 250 گرام
نمک: حسب ذائقہ
گھی: 150 گرام
لونگ: 4 عدد

ترکیب
پہلے پیاز اور ادرک کو گھی میں بھون لیں۔ پھر گوشت، لہسن ، نمک ، اور لال مرچ ڈال کر اچھی طرح بھونیں جب سرخ ہوجائے تو لونگ الائچی اور دہی ڈال کر 2 پیالی پانی ڈال دیں اور بند کر دیں۔ جب گوشت گل جائے اور گھی چھوٹنے لگے تو اتارلیں۔ چاہیں تو ایک چمچہ ٹماٹر ساس بھی ڈال سکتے ہیں۔

تل کی چٹنی:
اجزاء
ٹماٹر: پاؤ کیلو (بیج نکال لیں)
تل : 2 بڑے چمچے (بھون لیں)
کریا پات: چند پتے
نمک: حسب ذائقہ
میتھی کے چند دانے
سفید زیرہ: 2چائے کے چمچے
تیل : 2 بڑے چمچے
لال مرچ ثابت : حسب ذائقہ
ہلدی پاؤڈر: 1/2 چائے کا چمچہ
املی پکی ہوئی: حسب ذائقہ
لہسن کے جوئے: 6 سے 8 عدد

ترکیب
ٹماٹر کو ابال کر نرم کرلیں اور ٹھنڈا ہونے کے لئے رکھ دیں۔ اب کسی برتن میں تیل گرم کرکے سوکھی لال مرچ ، میتھی کے دانے ، زیرہ اور لہسن سرخ کر کے نکال لیں۔ اب ٹماٹر ، تل ، نمک ، تلے ہوئی لال مرچ میتھی کے دانے ، زیرہ ، لہسن ، املی ، ہلدی پاؤڈر اور تھوڑا سا پانی ڈال کر مکسر میں باریک پیس لیں۔ پھر پسے ہوئے مکسچر کو زیرہ ، لہسن اور کریا پات سے بگھار دیں۔
__________________

pervaz khan
12-27-2012, 05:24 PM
اچھی شئیرنگ کا شکریہ