PDA

View Full Version : گلوکارہ مہناز بیگم انتقال کر گئیں



تانیہ
01-19-2013, 09:15 PM
http://wscdn.bbc.co.uk/worldservice/assets/images/2013/01/19/130119150754_mehnaz304.jpg

پاکستانی فلموں میں ایک طویل عرصے تک اپنی آواز کا جادو جگانے والی گلوکارہ مہناز بیگم انتقال کر گئی ہیں۔

پاکستان کے سرکاری ٹی وی کے مطابق وہ کافی عرصے سے بیمار تھیں اور انہیں علاج کے لیے کراچی سے امریکہ منتقل کیا جا رہا تھا کہ دورانِ پرواز ان کی طبعیت بگڑ گئی۔

اس صورتحال میں جہاز کو بحرین میں اتارا گیا اور انہیں مناما کے مقامی ہسپتال منتقل کیا گیا جہاں وہ سنیچر کو چل بسیں۔

انیس سو اٹھاون میں کراچی میں پیدا ہونے والی مہناز کی والدہ کجن بیگم بھی برصغیر کی نامور گلوکارہ تھیں۔

مہناز نے اپنے گلوکاری کے سفر کا آغاز دورانِ تعلیم ہی کر دیا تھا اور انہوں نے ریڈیو، ٹی وی اور فلموں کے لیے ڈھائی ہزار سے زائد گانےگائے۔

انہوں نے ریڈیو پاکستان سے گلوکاری شروع کی تھی اور پاکستان ٹی وی پر موسیقار سہیل رعنا نے انہیں متعارف کروایا۔

جلد ہی ان کی شہرت ٹی وی سنٹر سے فلم انڈسٹری تک پھیل گئی اور پھر وہ پاکستان کی ایک بہترین پلے بیک سنگر کے طور پر سامنے آئیں۔

وہ غزل اور ٹھمری کی بہترین گلوکارہ تھیں اور انہوں نے پاکستان کی فلمی صنعت کے دورِ عروج میں مہدی حسن کے ساتھ مل کر متعدد یادگار گانے گائے۔

اس کے علاوہ مہناز نے محرم الحرام کے حوالے سے ٹی وی اور ریڈیو پر سینکڑوں نوحے اور مرثیے بھی پڑھے تھے۔

bbc urdu (http://www.bbc.co.uk/urdu/entertainment/2013/01/130119_mehnaz_death_zs.shtml)

pervaz khan
01-20-2013, 02:17 PM
ان لله وان اليه راجعون