PDA

View Full Version : وہ تو پاگل ہے



نذر حافی
03-01-2013, 07:24 PM
وہ تو پاگل ہے
نذر حافی
nazarhaffi@yahoo.com
کل رات بہت سردی تھی
ہوا کے سرد جھونکوں کے ساتھ
اٹکھیلیاں کرتا ہوا اک پاگل میں نے دیکھا
سردی سے ٹھٹھرا ہوا
چیتھڑوں میں ملبوس
بازار سے گزررہاتھا
اتنے میں
ایک چھلکا اسے آلگا
سردی سے کانپتاہوا یہ پاگل
سڑک پر دوڑ پڑا
ہر طرف سے قہقہے اٹھے
ہر طرف سے چھلکے آنے لگے
اِک پاگل نجانے کتنے سیانوں میں گِھر گیا
میں نےآج شب
بڑے دکھی دل کے ساتھ
اک صاحب سے اس کا تذکرہ کیا تو وہ بولے
چھوڑو یار وہ تو پاگل ہے۔۔۔