PDA

View Full Version : بیس زبانوں میں ایک ہی نام



نگار
03-18-2013, 11:09 PM
کیا آپ جانتے ہیں کہ ایک ایسا پھل بھی ہے جس
کا نام بیس زبانوں میں ایک ہی ہے ، جی ہاں
انناس وہ واحد پھل ہے جس کو بیس زبانوں میں ایک
ہی نام سے پکارا جاتا ہے

1101

عبادت
03-19-2013, 01:42 AM
واہ جی واہ میں تو نگار ویر کل ہی کھاوں گا
پھر بولوں گا بیس پھل کھاے ایک نام سے:p

بےباک
03-19-2013, 09:07 PM
انناس کے فوائد

عربی اور فارسی۔انناس

انگریزی Pineapple

اس کا رنگ باہر سے سرخ اور اندر سے زرد ہوتا ہے۔ اس کا ذائقہ شیریں ترشی مائل ہوتا ہے۔ اس کا مزاج سرد و تر درجہ دوم ہوتا ہے۔ اس کی مقدار خوراک دو تولہ سے پانچ تولہ تک ہوتی ہے۔ اس کے حسب ذیل فوائد ہیں۔

انناس کی خصوصیات (1)انناس مفرح اور مقوی قلب ہوتا ہے۔ (2)جگر اور معدہ کو طاقت دیتا ہے۔ (3)انناس دیر ہضم ہوتا ہے۔ (4)گرم مزاج والوں کیلئے مفید ہوتا ہے اور پیشاب آور ہوتا ہے۔ (5)دافع خفقان ہوتا ہے۔ (6)صفرا کی گرمی کو تسکین دیتا ہے اور یرقان میں مفید ہے۔ (7)پختہ انناس میں وٹامن سی وافر مقدار میں پائے جاتے ہیں۔ اس کے علاوہ اس میں کاربوہائیڈریٹس، وٹامن اے، کیلشیم اور پروٹین بھی پائے جاتے ہیں۔ اس کی غذائی طاقت اٹھاون کیلوری فی سو گرام ہے۔ (8)پیشاب آور ہے اور اسی وجہ سے گردہ و مثانہ کی پتھری کو خارج کرتا ہے۔ (9)لاغر اور سرد مزاج والوں کو قوت بخشتا ہے۔ (10)اس کے شیرے سے چاول پکائے جاتے ہیں جو بہت لذیذ ہوتے ہیں۔ (11)بند پیشاب کو جاری کرنے کیلئے انناس دو تولہ پانی میں رگڑ کر پلانا فوری فائدہ دیتا ہے۔ (12)شربت انناس بند حیض کو کھولتا ہے۔ (13)انناس پیاس بجھاتا ہے۔ (14)انناس کھانے سے دانت مضبوط ہوتے ہیں۔ (15)مصفی خون ہے۔ (16)بدہضمی دور کرنے کیلئے انناس کی دو پھانکوں پر نمک اور کالی مرچ چھڑک کر استعمال کرنا مفیدہوتا ہے۔ (17)گھبراہٹ دور کرتا ہے اور جسم کوموٹا کرتا ہے۔ (18)انناس بلغم بڑھاتا ہے۔ (19)انناس کے تازہ پھلوں کا رس نکال کر پینے سے خناق کا مرض دور ہو جاتا ہے، اگر گلا بند ہو تو اس کے پانی کو زبردستی منہ میں ڈال دینا چاہیے۔ (20)انناس پیچش اور مروڑ میں مفید ہوتا ہے۔ اس کے ٹکڑوں کو خالص شہد میں دو چار دن رکھ کر استعمال کیا جائے تو آنتوں کے سدے دور ہو جاتے ہیں۔ (21)گلے کے امراض میں انناس کو ہمراہ شربت توت سیاہ استعمال کرنا مفید ہوتا ہے۔ (22)بخار کی حالت میں انناس معدہ کی اصلاح کرتا ہے۔ (23)بچوں کی صحت و تندرستی کیلئے انناس کا کھانا زیادہ مفید ہے۔ (24)لیموں اور سکنجبین کے ہمراہ انناس کا استعمال یرقان کو بے حد مفید ہوتا ہے۔ (25)کچے انناس کا رس حاملہ عورتوں کیلئے نقصان دہ ہوتا ہے اس سے رحم سکڑ جاتا ہے اور پریشانی کا باعث ہوتا ہے۔ اس لیے حاملہ عورتوں کو ترش انناس بالکل استعمال نہیں کرنا چاہیے۔ (26)انناس دل و دماغ کو طاقت دیتا ہے۔ (27)انناس کا شربت دل، دماغ، جگر اور معدہ کو طاقت دیتا ہے۔ اس کے بنانے کا طریقہ یہ ہے کہ انناس کا گودا ایک پاؤ، پانی تین پاؤ اور چینی تین پاؤ میں سب سے پہلے انناس کا گودا پانی میں پکائیں پھر چھان کر چینی ملا کر دوبارہ جوش دیں اور جب گاڑھا ہو جائے تو اتار لیں۔ بس شربت تیار ہے۔ (28)تازہ انناس کے پھل کا رس نکال کر پانچ تولے روزانہ استعمال کرنے سے حلق میں لٹکا ہوا گوشت کٹ جاتا ہے اور اسی طرح اس کا وقت پر استعمال حلق کی جملہ بیماریوں سے محفوظ ہوتا ہے۔ (29)شربت انناس دو تولے روزانہ پینے سے پیشاب کھل کر آتا ہے۔ (30)شربت انناس کو سونگھنے سے دماغ مضبوط ہوتاہے۔(31)اس کا رس پینے سے مسوڑھے مضبوط ہوتے ہیں اور مسوڑھوں کی دیگر بیماریاں درست ہوتی ہیں۔ (32)انناس کا رس گلاب اور مصری ملا کر رات شبنم میں رکھنا اور صبح نہار منہ پینا تپ ، درد سر صفراوی، گردے اور مثانے کی پتھری کو انتہائی مفید ہوتا ہے۔ (33)خراب خون کو درست کرتا ہے۔ (34)انناس کے پتوں کو رگڑ کر،چھان کر پلانے سے آنتوں کے کیڑے مر جاتے ہیں۔ (35) اسکے پتوں کے رس میں چینی ملا کر پلانے سے ہچکی بند ہو جاتی ہے۔ (36)خون حیض جو بے وقت بند ہو انناس کے پتوں کارگڑا ہوا پانی پلانے سے فوراً کھل جاتا ہے۔ (37)انناس کی جڑ کو رگڑ کر پلانے سے دکھتی آنکھیں ٹھیک ہوتی ہیں اور دستوں کو بھی مفید ہے۔(38)پیشاب کی جلن کو دور کرتا ہے، اس کیلئے پانچ تولہ انناس کا رس روزانہ پینا مفید ہوتا ہے۔

پھل کیسے پیدا ہوتا ہے اور کیسے حاصل کیا جاتا ہے ،

اس کی فصل کیسے پیدا ہوتی ہے اس کو دیکھیے ، اور ریتلے اور نمدار علاقوں میں پیدا ہوتا ہے ، گھانا کا انناس بہت ہی مشہور ہے اور اس کے علاوہ سپین میں بھی پیدا ہوتا ہے ،

ان ممالک میں اس کی فصل کافی ہوتی ہے ،
1:| فلپین 2: برازیل 3: کوسٹا ریکا 4: تھائی لینڈ ۔ 5: چین

1103

1104

سقراط
03-20-2013, 11:20 PM
بے باک جی بہت اچھے کیا کام کی معلومات دی ہے میں نے اس پہلے اسکی فصل نہیں دیکھی تھی: آپ نے جواب لکھا ہے وہ خد ایک موضوع ہے آپ اسکو اسکے متعلقہ سیکشن میں لے جائیں اور جواب میں کمنٹس کے ساتھ لنک چھوڑ دیں یہ زیادہ بہتر رہے گا آپ کا کیا خیال ہے