PDA

View Full Version : طب و صحت



تانیہ
11-24-2010, 10:37 PM
ماہرین نے کئی سالوں کی تحقیق کے بعد اس بات کا دعویٰ کیا ہے کہ گاجرکا استعمال نہ صرف کینسرکی گٹھلیاں بننے کے عمل کو روکتا ہے بلکہ اس کا مسلسل استعمال سرطان کے موذی مرض پر قابو پانے میں بھی ممدومعاون ثابت ہوا ہے۔ ایوب زرعی تحقیقاتی ادارہ کے ایک ترجمان نے یہاں ”اے پی پی“ سے بات چیت کرتے ہوئے بتایا کہ ماہرین زراعت کی ایک ٹیم نے کئی سال تک کینسر زدہ چوہوں پرگاجر کے استعمال کی تحقیق کی تو یہ بات سامنے آئی کہ گاجر کا لگاتار استعمال سرطان کے موذی مرض کے خلاف قوت مدافعت پیدا کرنے کی بہت زیادہ صلاحیت رکھتا ہے۔ انہوں نے بتایا کہ جن چوہوں پر تجربات کئے گئے تھے ان میں سے ہر تیسرا چوہا سرطان کے مرض میں بری طرح مبتلا تھا۔ تاہم گاجر کے بتدریج استعمال سے ان کے مرض پر قابو پالیا گیا۔ انہوں نے مزید بتایا کہ گاجر کے جوس میں وٹامن A کا بہت بڑا ذخیرہ موجود ہوتا ہے جو نہ صرف پیٹ کے کیڑے ختم کرنے کیلئے مفید ہوتا ہے بلکہ اس کے مسلسل استعمال سے استسقاءکے مرض سے بھی چھٹکارا مل جاتا ہے۔