PDA

View Full Version : زباں میں نرمی، طبیعت میں سادگی رکھنا۔۔۔۔



aliimran
10-11-2013, 07:12 PM
زباں میں نرمی، طبیعت میں سادگی رکھنا
ہمیشہ جذبہ امدادِ باہمی رکھنا

لبوں پہ لاکھ سمندر کی خامشی رکھنا
دل و نگاہ میں طوفانِ آگہی رکھنا

یہاں تو ہارنے والا ہی جیت جاتا ہے
کبھی انا پہ نہ بنیاد عاشقی رکھنا

اگر یہ جاننا چاہیں کہ کون کیسا ہے
بچا کے دامنِ دل خود کو اجنبی رکھنا

فسانہِ دل خانہ خراب کا عنواں
ستم ظریفی احساسِ کمتری رکھنا

یہ لین دین کا دھندا نہیں ہے اے گوہر
کسی سے رکھنا تو بے لوث دوستی رکھنا

تانیہ
10-12-2013, 09:06 PM
واہ جی ۔۔۔بہت خوب