PDA

View Full Version : جب بھی گھر کی چھت پر جائیں ناز دکھانے آ جاتے ہیں



ایم-ایم
11-24-2013, 10:56 PM
جب بھی گھر کی چھت پر جائیں ناز دکھانے آ جاتے ہیں
کیسے کیسے لوگ ہمارے جی کو چلانے آ جاتے ہیں

دن بھر جو سورج کے ڈر سے گلیوں میں چھُپ رہتے ہیں
شام آتے ہی آنکھوں میں وہ رنگ پرانے آ جاتے ہیں

جن لوگوں نے اُن کی طلب میں صحراؤں کی دھول اُڑائی
اب یہ حسیں اُن کی قبروں پر پھول چڑھانے آ جاتے ہیں

کون سا وہ جادو ہے جس سے غم کی اندھیری، سرد گپھا میں
لاکھ نسائی سانس دلوں کے روگ مٹانے آ جاتے ہیں

زے کے ریشمیں رومالوں کو کس کس کی نظروں سے چھُپائیں
کیسے ہیں وہ لوگ جنھیں یہ راز چھُپانے آ جاتے ہیں

ہم بھی منیر اب دُنیا داری کر کے وقت گزاریں گے
ہوتے ہوتے جینے کے بھی لاکھ بہانے آ جاتے ہیں

نگار
11-25-2013, 12:45 PM
ہم بھی منیر اب دُنیا داری کر کے وقت گزاریں گے
ہوتے ہوتے جینے کے بھی لاکھ بہانے آ جاتے ہیں


بہترین شاعری ارسال کرنے پہ آپ کا بہت بہت شکریہ

تانیہ
11-25-2013, 08:18 PM
واہ واہ۔۔۔۔بہت خوب ۔۔۔نائس شیئرنگ