PDA

View Full Version : جو دیکھے تھے جادو ترے ہات کے



ایم-ایم
11-25-2013, 07:40 PM
جو دیکھے تھے جادو ترے ہات کے
ہیں چرچے ابھی تک اسی بات کے

گھٹا دیکھ کر خوش ہوئی لڑکیاں
چھتوں پر کھلے پھول برسات کے

مجھے درد دل کا وہاں لے گیا
جہاں دَر کھلے تھے طلسمات کے

ہوا جب چلے پھڑپھڑا کر اُڑے
پرندے پُرانے محّلات کے

نہ تُو ہے کہیں اور نہ میں ہوں کہیں
یہ سب سلسلے ہیں خیالات کے

منیر آ رہی ہے گھڑی وصل کی
زمانے گئے ہجر کی رات کے

تانیہ
11-25-2013, 08:14 PM
واہ جی۔۔۔۔۔۔۔۔۔۔۔۔۔