PDA

View Full Version : ’’کتے کے منہ میں ہاتھی کے دانت نہیں اُگ سکتے۔



جاذبہ
01-23-2014, 04:19 PM
چین اپنے محاوروں اور کہاوتوں میں بھی دنیا سے بہت آگے ہے۔ چینی محاورے اپنے اندر معانی، دانش و خیالات کی اتنی وسعت رکھتے ہیں کہ بیسیوں کتابیں مل کر کسی ایک چینی محاورے کا مقابلہ نہیں کر سکتیں۔ میں نے بچپن میں جو پہلا چینی محاورہ پڑھا تھا اس نے آنے والے دنوں میں میری زندگی کا سارا سٹائل تبدیل کر دیا۔ میں زندگی میں جب بھی تلخ ہونے لگتا ہوں تو میں یہ محاورہ نکال کر پڑھتا اور فوراً ریلیکس ہو جاتا ہوں۔


وہ محاورہ تھا ’’جسے مسکرانا نہیں آتا اسے دکان نہیں کھولنی چاہیے۔‘‘ دوسرا تاریخی محاورہ اس دورے کے دوران ملا۔ میں نے اپنے ایک میزبان سے چین کی ترقی کی وجہ پوچھی، اس نے مسکرا کر ایک چینی محاورہ سنایا۔ وہ محاورہ کچھ یوں تھا ’’کتے کے منہ میں ہاتھی کے دانت نہیں اُگ سکتے۔‘‘ میں نے حیران ہو کر اس کی طرف دیکھا، وہ مسکرایا ’’ہم نے ترقی سے پہلے ترقی کے بارے میں ریسرچ کی تھی۔


ہم نے اندازہ لگایا تھا آپ جب تک ہاتھی کا بچہ نہیں پالتے آپ اس وقت تک ہاتھی دانت حاصل نہیں کرتے چنانچہ ہم نے انفراسٹرکچر تیار کرنا شروع کر دیا۔ ہم نے پورے ملک کو سڑکوں کے ساتھ ملایا، ریلوے لائنیں بچھائیں، ہوائی اڈے اور بندرگاہیں بنائیں، تعلیم اور صحت عام کی، دنیا کی سب سے بڑی ورک فورس بنائی اور اس کے نتیجے میں ہمارے ہاتھی کے منہ میں دانت نکل آئے اور پوری دنیا ہم سے محبت کرنے لگی۔‘‘

مجھے اس کی بات اچھی لگی۔ یہ سچ ہے ترقی کا انفراسٹرکچر ضروری ہوتا ہے اور جس ملک کے پاس انفراسٹرکچر نہیں ہوتا وہ ملک کبھی ترقی نہیں کرتا اور چین اس کی سب سے بڑی اور تازہ ترین مثال ہے۔ اس وقت دنیا کا سب سے بڑا انفراسٹرکچر چین میں ہے۔ شنگھائی چین کا دوسرا بڑا اور چین کا معاشی اور صنعتی دارالحکومت ہے






از قلم


جاوید چودھری


http://www.picgifs.com/animal-graphics/animal-graphics/elephants/animal-graphics-elephants-334036.gifhttp://www.picgifs.com/animal-graphics/animal-graphics/elephants/animal-graphics-elephants-334036.gifhttp://www.picgifs.com/animal-graphics/animal-graphics/elephants/animal-graphics-elephants-334036.gif

بےباک
01-23-2014, 05:00 PM
ہم نے اندازہ لگایا تھا آپ جب تک ہاتھی کا بچہ نہیں پالتے آپ اس وقت تک ہاتھی دانت حاصل نہیں کرتے چنانچہ ہم نے انفراسٹرکچر تیار کرنا شروع کر دیا۔ ہم نے پورے ملک کو سڑکوں کے ساتھ ملایا، ریلوے لائنیں بچھائیں، ہوائی اڈے اور بندرگاہیں بنائیں، تعلیم اور صحت عام کی، دنیا کی سب سے بڑی ورک فورس بنائی اور اس کے نتیجے میں ہمارے ہاتھی کے منہ میں دانت نکل آئے اور پوری دنیا ہم سے محبت کرنے لگی۔‘‘
زبردست ، سبق آموز ۔
جزاک اللہ جازی جی