PDA

View Full Version : ڈاٹ برلن ڈومین



این اے ناصر
03-18-2014, 12:22 PM
جرمنی کا شہر برلن اپنے نام کا انٹرنیٹ ڈومین حاصل کرنے والا دنیا کا پہلا شہر بننے والا ہے۔


http://www.domaindiscount24.com/images/en/products/domains/tld/tld_berlin.png

ڈی پی اے نیوز ایجنسی کے مطابق برلن میں قائم کمپنیاں اور وہاں کے رہائشی 18 مارچ سے اپنے انٹرنیٹ پتے کے آخر میں ڈاٹ برلن کا لاحقہ استعمال کر سکیں گے۔

یہ لاحقہ استعمال کرنے کی منظوری عالمی انٹرنیٹ نظام کی رابطہ کاری کرنے والی امریکی تنظیم آئی سی اے این این اور برلن کی انتظامیہ کے درمیان طے پانے والے معاہدے کے تحت دی گئی ہے۔

برلن کے بعد دنیا کے دیگر بڑے شہر مثلاً لندن، نیویارک، جوہانسبرگ اور جاپانی شہر ناگویا بھی اپنے نام پر مشتمل ڈومین متعارف کروائیں گے۔

ڈاٹ لندن کا لاحقہ رواں برس اپریل سے دستیاب ہوگا۔

عوام کے لیے اس قسم کے لاحقوں کی رجسٹریشن کا عمل رواں برس جولائی میں ہی شروع ہوگا۔

ڈاٹ برلن ڈومین کے منتظم ڈرک کرس چینووسکی کا کہنا ہے کہ ’ڈومین کو بیانیہ ہونا چاہیے اور یہ صرف مخفف ہی نہیں ہو سکتے۔‘

انھوں نے کہا کہ علاقے کی بنیاد پر بننے والے ڈومین انٹرنیٹ کے استعمال میں بنیادی تبدیلی کا باعث بن سکتے ہیں۔

ڈاٹ برلن ڈومین حاصل کرنے کے خواہشمند اس کے لیے سالانہ 30 سے 60 یورو ادا کریں گے اور اندازہ ہے کہ پہلے برس اس سے پانچ لاکھ یورو کی آمدن ہوگی۔