PDA

View Full Version : ساجن کو کیا بھولی صُورت بھا سکتی ہے ؟



حبیب صادق
06-09-2014, 12:33 AM
ساجن کو کیا بھولی صُورت بھا سکتی ہے ؟
پگلی، چاند ستاروں کو شرما سکتی ہے

سُورج سے کیا بڑھ کر پیار میں شکتی ہے ؟
پگلی، پانی میں تو آگ لگا سکتی ہے

کیوں نیندوں میں رات کو جُگنو جگمگ جاگیں
پگلی، نیند کی دیوی کو سمجھا سکتی ہے

کھنک مِرے لہجے کی اتنی سُندر کیوں ؟
پگلی بارش تیرا گیت چُرا سکتی ہے

کیوں بھنورے کے جال میں کلیاں آتی جائیں؟
پگلی ، بادل سے بجلی کترا سکتی ہے

رات کے تھال میں بولو کتنے تارے دیکھے؟
پگلی ، ریت کے ذروں کو گِنوا سکتی ہے

کیوں کہتا ہے جگ سے میل نہیں ہے بہتر؟
پگلی ، لوگوں کی باتوں میں آ سکتی ہے

پریت کی نگری جانے پر پابندی کیوں ہے ؟
پگلی ، راہ کٹھن ہے تُو گھبرا سکتی ہے

سُرخ گُلاب کے بدلے اس کو کیا میں بھیجوں ؟
پگلی ، سندرتا سے کام چلا سکتی ہے

سُورج کے چہرے پر کالا بادل کیوں؟
پگلی ، مکھڑے سے تو زُلف ہٹا سکتی ہے

اب تک مَن نِردوش اسے کہتا ہے کیونکر؟
پگلی ، دھُول کو کیسے پھُول بنا سکتی ہے

بےباک
06-09-2014, 09:39 AM
ساجن کو کیا بھولی صُورت بھا سکتی ہے ؟

پگلی، چاند ستاروں کو شرما سکتی ہے


سُورج سے کیا بڑھ کر پیار میں شکتی ہے ؟

پگلی، پانی میں تو آگ لگا سکتی ہے

پگلی محبت میں سب کچھ کر سکتی ہے ،
نائس شیئرنگ