PDA

View Full Version : آوے نال خیال کسے دے جدوں خیال غزل دا



حبیب صادق
06-15-2014, 10:13 PM
آوے نال خیال کسے دے جدوں خیال غزل دا

حُسن جمال کسے دا بن دا حسن جمال غزل دا


بن کے بھڑک کسے دے رُخ دی بھڑکے تاب غزل دی
زلف سنہری وانگ کسے دی لِشکے جال غزل دا

لفظ بنن کناں دے بندے مصرعے ہار گلاں دے
دین طبیعت دے تاء جس دم سونا ڈھال غزل دا

کالھا پے کے نال اُداسی دلوں کدی جد اُٹھے
جا بہ درد وِچھوڑا کوئی ڈیرا بھال غزل دا

نکتے غین غزل دے اگے لمکی ’’ل‘‘ سہانی
ویکھے اُڈدی زلف غزل دی بیٹھا خال غزل دا

درد ونڈاندے اِک دُوجے دا رہے ایہہ مُڈھ قدیموں
دل دی محرم حال غزل، دل محرم حال غزل دا

نال غزل دے دل پاگل نے خوب نبھائیاں سانجھاں
ہجر وصال ایہدے دا محرم ہجر وصال غزل دا

چھیڑن جد وی دل نوں اوہدی سرد طبع دیاں یاداں
گرمی سوز سخن دی دیوے بھانبر بال غزل دا

ہین قصیدے حسن اوہدے دے شعر فقیر غزل دے
رکھے کول کویں نہ تحفہ یار سنبھال غزل دا

بےباک
06-16-2014, 08:27 AM
کالھا پے کے نال اُداسی دلوں کدی جد اُٹھے

جا بہ درد وِچھوڑا کوئی ڈیرا بھال غزل دا


نکتے غین غزل دے اگے لمکی ’’ل‘‘ سہانی

ویکھے اُڈدی زلف غزل دی بیٹھا خال غزل دا

پنجابی زبان کا اپنا ایک حسن ہے ، مزا آگیا ، خوب

حبیب صادق
06-16-2014, 08:30 PM
میری مادری زبان پنجابی ہونے کیوجہ سے پنجابی ادب سے گہرا لگاؤ ہے،
شکریہ