PDA

View Full Version : محمد رسول اللہ صلی اللہ علیہ وسلم مستشرقین کے خیالات کا تجزیہ



حافظ اختر علی
08-28-2014, 08:37 AM
کتاب کا نام
محمد رسول اللہ صلی اللہ علیہ وسلم مستشرقین کے خیالات کا تجزیہ (http://kitabosunnat.com/kutub-library/muhammad-rasool-ullah-pbuh-mustashrkeen-k-khialat-ka-tajzia.html)
مصنف
پروفیسر محمد اکرم (http://kitabosunnat.com/musannifeen/professor-muhammad-ikram.html)
ناشر

ادارہ معارف اسلامی منصورہ لاہور
http://i1053.photobucket.com/albums/s463/kitabosunnat/PagesfromMuhammad-Rasool-UllahPBUH-Mustashrkeen-K-Khialat-Ka-Tajzia.jpg (http://kitabosunnat.com/kutub-library/muhammad-rasool-ullah-pbuh-mustashrkeen-k-khialat-ka-tajzia.html)
تبصرہ

اللہ تعالی کے آخری نبی حضرت محمد ﷺ کی حیات مبارکہ پر بے شمار کتابیں تحریر کی گئی ہیں ۔ تاریخ انسانی کی کوئی شخصیت ایسی نہیں جس کی زندگی پر اتنا وسیع اور تمام جزئیات کے ساتھ ہمہ جہت علمی کام ہوا ہو ،جتنا نبی ﷺ پر ہوا ہے ۔ یہ سلسلہ قیامت تک جاری رہے گا۔ اب تک دنیا کی مختلف زبانوں میں آپ ؐ کی سیرت پر مسلم وغیر مسلم اہل علم نے لاکھوں کی تعداد میں تصنیف وتالیف کا وقیع کام کیا ہے ۔انیسویں اور بیسویں صدی میں مغربی اہل علم نے حضور اکرم ﷺ پر متعدد کتابیں تحریر کیں۔سیکڑوں مغربی اہل دانش نے حضور اکرم ﷺکی تحسین وتعریف میں زورِ قلم صرف کیا ہے ، لیکن مغربی مصنفین نے ایک بڑی تعداد نے آپؐ پر گوناگوں اعتراضات بھی کیے ہیں۔ہرچند کہ ان کے اعتراضات نہایت بودے ،غیر معقول اور بے وزن ہیں تاہم مسلمان اہل علم نے ان اعتراضات کامدلل ومسکت جواب تحریر کیا ہے۔اردو زبان میں اس موضوع پر متعدد کتابیں لکھی گئی ہیں۔زیر نظر کتاب ’’ محمد رسول اللہ ﷺ مستشرقین کے خیالات کا تجزیاتی مطالعہ ‘‘پروفیسر محمد اکرم طاہر کی تصنیف ہے جس میں انہوں نے نبی کریم ﷺ سیرت طیبہ کے متعلق شکوک وشبہات کا مدلل جواب دینے کی کوشش کی ہے ۔فاضل مصنف نے اہل مغرب میں سے چند ممتاز اہل قلم کے سیرت النبی ﷺ کے متعلق افکار ونظریات پر بحث کر کے ان اعتراضات کےسطحی پن کا پول کھولا ہے۔کارلائل ،منٹگمری واٹ ،مائکل ایچ ہاٹ اور برناڈلیوس کے ان افکار کا جواب بھی لکھا ہے جن کے اثرات پورے یورپ کے اہل علم میں سرایت کیے ہوئے ہیں ۔ فاضل مصنف نے بطور ایک مسلمان اپنے جذبات عقیدت کو بھی کتاب میں سمودیا ہے ۔ اللہ تعالی ٰ ان اس کاوش کو قبول فرمائے (آمین) (م۔ا)

اس کتاب محمد رسول اللہﷺ مستشرقین کے خیالات کا تجزیہ کو آن لائن پڑھنے یا ڈاؤن لوڈ کرنے کے لیے یہاں کلک کریں (http://kitabosunnat.com/kutub-library/muhammad-rasool-ullah-pbuh-mustashrkeen-k-khialat-ka-tajzia.html)