PDA

View Full Version : نماز میں پڑھی جانے والی دعائیں



حافظ اختر علی
09-14-2014, 08:54 AM
کتاب کا نام
نماز میں پڑھی جانے والی دعائیں (http://kitabosunnat.com/kutub-library/namaz-me-pari-jane-wali-duaen.html)
مصنف
ام عبد منیب
ناشر
مشربہ علم وحکمت لاہور
http://i1053.photobucket.com/albums/s463/kitabosunnat/TitlePages---Namaz-Me-Pari-Jane-Wali-Duaen.jpg (http://kitabosunnat.com/kutub-library/namaz-me-pari-jane-wali-duaen.html)
تبصرہ

نماز دین ِ اسلام کا دوسرا رکن ِ عظیم ہے جوکہ بہت زیادہ اہمیت کا حامل ہے ۔ قرآن وحدیث میں نماز کو بر وقت اور باجماعت اداکرنے کی بہت زیاد ہ تلقین کی گئی ہے ۔نماز کی ادائیگی اور اس کی اہمیت اور فضلیت اس قد ر اہم ہے کہ سفر وحضر اور میدان ِجنگ اور بیماری میں بھی نماز ادا کرنا ضروری ہے ۔نماز کی اہمیت وفضیلت کے متعلق بے شمار احادیث ذخیرۂ حدیث میں موجود ہیں او ر بیسیوں اہل علم نے مختلف انداز میں اس پر کتب تالیف کی ہیں ۔ نماز کی ادائیگی کا طریقہ اور اس میں پڑھی جانے والی دعاؤں کو جانا اور سیکھناہر مسلمان مرد وزن کےلیے ازحد ضروری ہے کیونکہ نماز کے آداب وشرائط اوراس میں پڑھے جانے والے کلمات اور دعائیں تو ہی ہماری پوری زندگی کے دکھوں کا مداوا ہیں ۔ وہ ہمیں اپنے خالق ومالک کے حضور میں مانگنے کی روزانہ پانچ وقت ایسی مشق کراتے ہیں کہ اگر نماز دلی رغبت سے سمجھ کر پڑھی جائے تویہ ناممکن ہے کہ کشکول ِ حیات خالی رہے ۔زیر تبصرہ کتاب ’’ نماز میں پڑھی جانے دعائیں‘‘معروف مبلغہ ،مصلحہ،مصنفہ اور کالم نگار محترمہ ام عبد منیب صاحبہ کی تصنیف ہے ۔ جس میں انہوں نے اذان ، وضو ، تکبیر تحریمہ سے سلام پھیرنے تک نماز میں پڑھی جانے والی دعائیں اور نمازکے بعد کے اذکار کو بمع ترجمہ حوالہ جات کے سا تھ اس کتاب میں جمع کردیا ہے۔تاکہ تمام مسلمان بہن بھائی اس سے مستفید ہوکر نماز کے تمام مسنون کلمات اوران کے مطالب ومفہوم سے واقف ہوجائیں۔اللہ تعالی ٰ مسلمانوں کو نماز کی حظاظت کرنے کی توفیق عطا فرمائے (آمین) محترمہ ام عبد منیب صاحبہ محمد مسعود عبدہ  کی اہلیہ ہیں ۔ موصوف تقریبا 23 سال قبل جامعہ لاہور الاسلامیہ میں عصری علوم کی تدریس کرتے رہے اور 99۔جے ماڈل ٹاؤن،لاہور میں بمع فیملی مقیم رہے ۔موصوف کے صاحبزادے محترم عبد منیب صاحب نے اپنے طباعتی ادارے ’’مشربہ علم وحکمت ‘‘ کی تقریبا تمام مطبوعا ت محدث لائبریری کے لیے ہدیۃً عنائت کی ہیں ۔اللہ تعالیٰ ان کی تمام مساعی جمیلہ کو قبول فرمائے۔(آمین) (م۔ا)

اس کتاب نماز میں پڑھی جانے والی دعائیں کو آن لائن پڑھنے یا ڈاؤن لوڈ کرنے کے لیے یہاں کلک کریں (http://kitabosunnat.com/kutub-library/namaz-me-pari-jane-wali-duaen.html)