PDA

View Full Version : بدعت کیا ہے



حافظ اختر علی
09-18-2014, 08:25 AM
کتاب کا نام
بدعت کیا ہے (http://kitabosunnat.com/kutub-library/biddat-kia-he.html)
مصنف
ام عبد منیب
ناشر
مشربہ علم وحکمت لاہور
http://i1053.photobucket.com/albums/s463/kitabosunnat/TitlePages---Biddat-Kia-He.jpg (http://kitabosunnat.com/kutub-library/biddat-kia-he.html)
تبصرہ
بدعت کا مطلب بغیر کسی مثال کے کسی چیز کووجود میں لانا ہے ۔ لیکن شریعت کی اصطلاع میں ہر وہ کام جسے ثواب یا برکت کاباعث یا نیکی سمجھ کر کیا جائے لیکن شریعت میں اس کا کوئی ثبوت نہ ہو۔ یعنی نہ تویہ کام خود رسول اللہﷺ نے کیا ہواور نہ ہی کسی کو کرنےکا حکم دیا ،نہ ہی اسے کرنے کی کسی کواجازت دی ۔اس کے برعکس جوکام رسول اللہ ﷺ نے ایک بشرکی حیثیت سے بشری ضروریات پوری کرنے کے لیے کیے ،آپ ﷺ نے جو وسائل یا ضروریاتِ زندگی استعمال کیں ،دنیاوی امور میں آپ ﷺ نے جو تدبیریں اختیار کیں ان میں قیامت تک نئے وسائل ،نئی چیزیں اورنئے تجربوں سےفائدہ اٹھانا بدعت نہیں۔بدعت کورواج دینا صریحا اسلامی تعلیمات کے خلاف ہے اور بدعات وخرافات کرنے والے کل قیامت کو حوض کوثر سے محروم کردیئےجائیں گے ۔ جس کی وضاحت فرمان ِنبوی میں موجو د ہے ۔زیر نظر کتابچہ ’’بدعت کیا ہے ‘‘ محترم امہ عبد منیب صاحبہ کاخواتین کے ایک اجتماع میں بیان کیاجانے وہ خطاب ہے جسے انہوں نے خواتین کی ترغیب پر مرتب کر کے کتابی صورت میں افادۂعام کےلیے شائع کیا ہے ۔اللہ تعالی ٰ اسے عوام الناس کی اصلاح او ر بدعت کے خاتمے کا ذریعہ بنائے (آمین) محترمہ ام عبد منیب صاحبہ محمد مسعود عبدہ  کی اہلیہ ہیں ۔ موصوف تقریبا 23 سال قبل جامعہ لاہور الاسلامیہ میں عصری علوم کی تدریس کرتے رہے اور 99۔جے ماڈل ٹاؤن میں بمع فیملی رہائش پذیر رہے ۔موصوف کے صاحبزادے محترم عبد منیب صاحب نے اپنے طباعتی ادارے ’’مشربہ علم وحکمت ‘‘ کی تقریبا تمام مطبوعا ت محدث لائبریری کے لیے ہدیۃً عنائت کی ہیں ۔اللہ تعالیٰ ان کی تمام مساعی جمیلہ کو قبول فرمائے۔ (م۔ا)

اس کتاب بدعت کیا ہے کو آن لائن پڑھنے یا ڈاؤن لوڈ کرنے کے لیے یہاں کلک کریں (http://kitabosunnat.com/kutub-library/biddat-kia-he.html)