PDA

View Full Version : الفوائد البهية شرح الدرة المضيئة



حافظ اختر علی
02-04-2015, 09:50 AM
کتاب کا نام


الفوائد البهية شرح الدرة المضيئة (http://kitabosunnat.com/kutub-library/al-fawaid-al-bahiya-shrah-al-duratu-al-maziyya.html)
مصنف
قاری ابو الحسن اعظمی (http://kitabosunnat.com/musannifeen/qari-abu-al-hasan-aazmi.html)
ناشر
قرآءت اکیڈمی لاہور (http://kitabosunnat.com/nashreen/qiraat-academy-lahore.html)
http://i1053.photobucket.com/albums/s463/kitabosunnat/TitlePages---Al-Fawaid-Al-Bahiya-Shrah-Al-Duratu-Al-Maziyya.jpg (http://s1053.photobucket.com/user/kitabosunnat/media/TitlePages---Al-Fawaid-Al-Bahiya-Shrah-Al-Duratu-Al-Maziyya.jpg.html)
تبصرہ
قرآن مجید اللہ تعالی کی طرف سے نازل کی جانے والی آسمانی کتب میں سے سب سے آخری کتاب ہے ۔جسےاللہ تعالی نے امت کی آسانی کی غرض سے قرآن مجید کو سات حروف پر نازل فرمایا ہے۔ یہ تمام کے تمام ساتوں حروف عین قرآن اور منزل من اللہ ہیں۔ان تمام پرایمان لانا ضروری اور واجب ہے،اوران کا انکار کرنا کفر اور قرآن کا انکار ہے۔اس وقت دنیا بھر میں سبعہ احرف پر مبنی دس قراءات اور بیس روایات پڑھی اور پڑھائی جارہی ہیں۔اور ان میں سے چار روایات (روایت قالون،روایت ورش،روایت دوری اور روایت حفص)ایسی ہیں جو دنیا کے کسی نہ کسی حصے میں باقاعدہ رائج اور متداول ہیں،عالم اسلام کے ایک بڑے حصے پر قراءت امام عاصم بروایت حفص رائج ہے، جبکہ مغرب ،الجزائر ،اندلس اور شمالی افریقہ میں قراءت امام نافع بروایت ورش ، لیبیا ،تیونس اور متعدد افریقی ممالک میں روایت قالون عن نافع ،مصر، صومالیہ، سوڈان اور حضر موت میں روایت دوری عن امام ابو عمرو بصری رائج اور متداول ہے۔ہمارے ہاں مجلس التحقیق الاسلامی میں ان چاروں متداول روایات(اور مزید روایت شعبہ) میں مجمع ملک فہد کے مطبوعہ قرآن مجید بھی موجود ہیں۔عہد تدوین علوم سے کر آج تک قراءات قرآنیہ کے موضوع پر بے شمار اہل علم اور قراء نے کتب تصنیف فرمائی ہیں اور ہنوز یہ سلسلہ جاری وساری ہے۔الدرۃ المضیئہ علامہ ابن الجزری کی قراءات سبعہ کے بعد والی قراءات ثلاثہ پر اہم ترین اساسی اور نصابی کتاب ہے ۔ اللہ تعالی نے اسے بھی شاطبیہ کی مانند بے پناہ مقبولیت سے نوازا ہے،جو قراءات ثلاثہ کی تدریس کے لئے ایک مصدر کے حیثیت رکھتی ہے۔متعدد علماء اور قراءنے اس کی شروحات لکھی ہیں، جنہیں یہاں بیان نہیں کیا جا سکتا ہے ۔ زیر نظر کتاب ’’ الفوائد البھیۃ شرح الدرۃ المضیئہ‘‘ شیخ القراءقاری ابو الحسن علی اعظمی صدر شعبہ تجوید دار العلوم دیو بندکی تالیف ہے۔جس میں مولف نے الدرۃ کے اشعارکو انتہائی آسان اور سہل انداز میں پیش کیا ہے۔مولف موصوف علم قراءات کے میدان میں بڑا بلند اور عظیم مقام ومرتبہ رکھتے ہیں۔آپ نے علم قراءات پر متعددعلمی وتحقیقی کتب تصنیف فرمائی ہیں۔ اللہ تعالی قراء ات قرآنیہ کے حوالے سے سر انجام دی گئی ان کی ان خدمات جلیلہ کو قبول فرمائے۔آمین(راسخ)

اس کتاب الفوائد البهية شرح الدرة المضيئة کو آن لائن پڑھنے یا ڈاؤن لوڈ کرنے کے لیے یہاں کلک رکیں (http://kitabosunnat.com/kutub-library/al-fawaid-al-bahiya-shrah-al-duratu-al-maziyya.html)