پاکستانی اب منیول پاسپورٹ پر سفر نہیں کرسکیں گے

PAK PASSPORT.jpg

روزنامہ جنگ کی29 اگست کی ایک خبر کے مطابق جن پاکستانیوں کے پاس اب تک منیول پاسپورٹ ہے وہ 31اگست کے بعد کسی بھی ائیر لائن سے منیول پاسپورٹ پر سفر نہیں کرسکیں گے۔ حکومت پاکستان کی طرف سےمنیول پاسپورٹ کو غیر موثر کئے جانے سے بیرون ملک مقیم ہزاروں پاکستانیوں کا مستقبل غیر یقینی ہوگیاہے ۔ اوورسیز پاکستانیوں نے وفاقی وزیر داخلہ چوہدری نثار علی سے مطالبہ کیاہے کہ وہ اوورسیز پاکستانیوں کے عرصہ دراز سے روکے ہوئے پاکستانیوں کے شناختی کارڈز اور پاسپورٹ کامسئلہ حل کرنے میں ترجیحی بنیادوں پر اپنا کردار ادا کریں ۔ پاکستانی شہریوں کی اکثریت کا کہنا ہے کہ انہوں نے پوری فیس کی ادائیگی کے ساتھ پاسپورٹ کے حصول کیلئے سفارت خانوں میں کاغذات جمع کر رکھے ہیں مگر اسلام آباد کے نادرہ اور پاسپورٹ دفاتر کی طرف سے عرصے سے مناسب جواب انہیں موصول نہیں ہوا ہے جس کے سبب وہ منیول پاسپورٹ استعمال کرنے پر مجبور ہیں ۔