نتائج کی نمائش 1 تا: 2 از: 2

موضوع: ہم جان فدا کرتے ، گر وعدہ وفا ہوتا

  1. #1
    ناظم خاص تانیہ کا اوتار
    تاريخ شموليت
    Nov 2010
    مقام
    گجرات
    پيغامات
    7,873
    شکریہ
    949
    881 پیغامات میں 1,108 اظہار تشکر

    ہم جان فدا کرتے ، گر وعدہ وفا ہوتا

    ہم جان فدا کرتے ، گر وعدہ وفا ہوتا
    مرنا ہی مقدر تھا ، وہ آتے تو کیا ہوتا

    ایک ایک ادا سو سو، دیتی ہے جواب اسکے
    کیونکر لبِ قاصد سے، پیغام ادا ہوتا

    اچھی ہے وفا مجھ سے، جلتے ہیں جلیں دشمن
    تم آج ہُوا سمجھو، جو روزِ جزا ہوتا

    جنّت کی ہوس واعظ ، بے جا ہے کہ عاشق ہوں
    ہاں سیر میں جی لگتا، گر دل نہ لگا ہوتا

    اس تلخیِ حسرت پر، کیا چاشنیِ الفت
    کب ہم کو فلک دیتا، گر غم میں مزا ہوتا

    تھے کوسنے یا گالی، طعنوں کا جواب آخر
    لب تک غمِ غیر آتا، گر دل میں بھرا ہوتا

    ہے صلح عدو بے خط، تھی جنگ غلط فہمی
    جیتا ہے تو آفت ہے، مرتا تو بلا ہوتا

    ہونا تھا وصال اک شب، قسمت میں بلا سے گر
    تُو مجھ سے خفا ہوتا، میں تجھ سے خفا ہوتا

    ہے بے خودی دایم، کیا شکوہ تغافل کا
    جب میں نہ ہوا اپنا، کیونکر وہ مرا ہوتا

    اس بخت پہ کوشش سے، تھکنے کے سوا حاصل
    گر چارۂ غم کرتا، رنج اور سوا ہوتا

    اچھی مری بدنامی تھی یا تری رُسوائی
    گر چھوڑ نہ دیتا، میں پامالِ جفا ہوتا

    دیوانے کے ہاتھ آیا کب بندِ قبا اُس کا
    ناخن جو نہ بڑھ جاتے، تو عقدہ یہ وا ہوتا

    ہم بندگئ بت سے ہوتے نہ کبھی کافر
    ہر جاے گر اے مومن موجود خدا ہوتا
    شاعر مومن خان مومن

  2. #2
    ناظم
    تاريخ شموليت
    Feb 2011
    پيغامات
    3,081
    شکریہ
    21
    91 پیغامات میں 134 اظہار تشکر

    RE: ہم جان فدا کرتے ، گر وعدہ وفا ہوتا

    واہ بہت خوب۔ شکریہ

متشابہہ موضوعات

  1. اخلاق وعادات
    By گلاب خان in forum صحابہ کرام اور صحابیات
    جوابات: 3
    آخری پيغام: 11-03-2012, 03:21 PM
  2. اخلاق وعادات حضرت عمر فاروقؓ
    By گلاب خان in forum متفرق موضوعات
    جوابات: 3
    آخری پيغام: 07-15-2012, 06:34 PM
  3. عجب اپنا حال ہوتا، جو وصال یار ہوتا
    By تانیہ in forum متفرق شاعری
    جوابات: 1
    آخری پيغام: 04-03-2012, 12:03 PM
  4. ایک وعدہ ہے کِسی کا جو وفا ہوتا نہیں
    By تانیہ in forum متفرق شاعری
    جوابات: 1
    آخری پيغام: 04-03-2012, 10:00 AM
  5. مسلمان کا وعدہ
    By سقراط in forum متفرق موضوعات
    جوابات: 1
    آخری پيغام: 07-01-2011, 05:31 PM

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University