ٰ سورہ ابراہیم کی آیت نمبر 34میں اللہ کا ارشاد

پروردگار عالم نے اپنے کلام حمید میں اپنی نعمتوں کا ذکر کرنے کے ساتھ ساتھ انسان کی ناشکری کا بھی تذکرہ کیا ہے۔ اللہ تبارک وتعالیٰ سورہ ابراہیم کی آیت نمبر 34میں ارشاد فرماتے ہیں: ''اور اُس نے دی تمہیں ہر چیز‘ جو تم نے مانگی‘ اور اگر تم شمار کرو اللہ کی نعمت کو (تو) نہیں شمار کر سکو گے اُسے‘ انسان یقینا بڑا ظالم، بہت ناشکرا ہے‘‘۔ اسی طرح اللہ تبارک وتعالیٰ سورہ رحمن میں تکرار کے ساتھ ارشاد فرماتے ہیں: ''تو اپنے رب کی کون (کون) سی نعمتوں کو تم دونوں جھٹلاؤ گے (جن وانس)‘‘۔ اسی طرح سورہ عادیات میں اللہ تبارک وتعالیٰ بہت سی قسمیں کھانے کے بعد انسان کی ناشکری کا ذکر کرتے ہیں۔