دہی انڈا آلو
اجزاء: انڈے چھ عدد،آلو1/2کلو،ثابت ادرک ایک چائے کا چمچ،دہی250گرام،چوپڈ پیاز 250 گرام، ٹماٹر دو سے تین عدد،ادرک لہسن دو چائے کے چمچ،پسا دھنیا دو چائے کے چمچ،پسی ہلدی 1/2چائے کا چمچ،نمک ایک چائے کا چمچ،پسی لال مرچ ایک چائے کا چمچ،کُٹا زیرہ ایک چائے کا چمچ،پسا گرم مصالحہ1/2چائے کا چمچ،ثابت کالی مرچ ایک چائے کا چمچ،تیل ایک کپ،ہری مرچیں حسبِ ضرورت،ہرا دھنیاگارنش کے لیے
ترکیب: ایک بائول میں انڈے،آلو اور ادرک ڈال کر مکس کر لیں،پھر اس میں پسی لال مرچ،نمک،پسی ہلدی،پسا دھنیا،کٹا زیرہ،ثابت کالی مرچ اور دو کھانے کے چمچ تیل شامل کر کے اچھی طرح مکس کریں،پھر پین میں تیل گرم کر کے چوپڈ پیاز فرائی کر لیں۔اس کے بعد ٹماٹر،ادرک لہسن اور تمام مصالحہ شامل کریں۔اب اس میں دہی ڈال کر اچھی طرح بھونیں،پھر ساتھ ہی انڈے اور آلو کا مکسچر شامل کر کے بھون لیں۔اس کے بعد دو کپ پانی ڈال کر دس منٹ پکائیں۔ آخر میں ہرا دھنیا،ہری مرچیں اور پسا گرم مصالحہ چھڑک کر گرم گرم سرو کریں۔