ایثار

خلیفہ دوئم حضرت عمر فاروق ؓ ایک مجوسی غلام ابو لولو فیروز کے ہاتھوں مسجد نبویﷺ کی محراب میں زخمی ہوئے تھے۔ اپنی وفات سے قبل اپنے بیٹے عبداللہ کو ام المومنین حضرت عائشہ ؓ کی خدمت میں بھیجا کہ انہیں حضور اکرم ؐ کے پہلو میں دفن ہونے کی اجازت دے دی جائے۔ انہوں نے جواب میں عرض کیا کہ یہ جگہ میں نے اپنے لئے رکھی تھی مگر عمر ؓ کی خدمات اسلام میں مجھ سے زیادہ ہیں۔ اس لیے میں یہ جگہ ان کے لیے ایثار کرتی ہوں۔ اس طرح حضرت عمر ؓ وفات کے بعد بھی آپؐ کے پہلو میں ہیں جبکہ حضرت عائشہ صدیقہ ؓ جنت البقیع میں دیگر ازواج کے ہمراہ آرام فرماہیں ۔