نتائج کی نمائش 1 تا: 2 از: 2

موضوع: زمانہ

  1. #1
    ناظم
    تاريخ شموليت
    Nov 2010
    پيغامات
    1,307
    شکریہ
    0
    50 پیغامات میں 68 اظہار تشکر

    زمانہ

    جو تھا نہیں ہے، جو ہے نہ ہو گا، یہی ہے اک حرف محرمانہ
    قریب تر ہے نمود جس کی ، اسی کا مشتاق ہے زمانہ
    مری صراحی سے قطرہ قطر ہ نئے حوادث ٹپک رہے ہیں
    میں اپنی تسبیح روز وشب کا شمار کرتا ہوں دانہ دانہ
    ہر ایک سے آشنا ہوں ، لیکن جدا جدا رسم و راہ میری
    کسی کا راکب ، کسی کا مرکب کسی کو عبرت کا تازیانہ
    نہ تھا اگر تو شریک محفل، قصور میرا ہے یا کہ تیرا؟
    مرا طریقہ نہیں کہ رکھ لوں کسی کی خاطر مئے شبانہ
    مرے خم و پیچ کو نجومی کی آنکھ پہچانتی نہیں ہے
    ہدف سے بیگانہ تیر اس کا ، نظر نہیں جس کی عارفانہ
    شفق نہیں مغربی افق پر، یہ جوئے خوں ہے ! یہ جوئے خواں ہے
    طلوع فردا کا منتظر رہ کہ دوش و امروز ہے فسانہ !
    وہ فکر گستاخ جس نے عریاں کیا ہے فطرت کی طاقتوں کو
    اسی کی بیتاب بجلیوں سے خطر میں ہے اس کا آشیانہ
    ہوائیں ان کی ، فضائیں ان کی ، سمندر ان کے ، جہاز ان کے
    گرہ بھنور کی کھلے تو کیونکر! بھنور ہے تقدیر کا بہانہ
    جہان نو ہو رہا ہے پیدا ، وہ عالم پیر مر رہا ہے
    جسے فرنگی مقامروں نے بنا دیا ہے قمار خانہ
    ہوا ہے گو تند و تیز لیکن چراغ اپنا جلا رہا ہے
    وہ مرد درویش جس کو حق نے دیے ہیں انداز خسروانہ

    [size=x-large] ناراضگی ظاہر کرنا دل میں برائی رکھنے سے بہتر ہے[/size]

  2. #2
    ناظم خاص تانیہ کا اوتار
    تاريخ شموليت
    Nov 2010
    مقام
    گجرات
    پيغامات
    7,867
    شکریہ
    949
    880 پیغامات میں 1,107 اظہار تشکر

    RE: زمانہ

    بہت خوب

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University