نتائج کی نمائش 1 تا: 2 از: 2

موضوع: باغیوں کا چوہوں کی طرح صفایا کردیا جائے‘ قذافی

  1. #1
    ناظم
    تاريخ شموليت
    Nov 2010
    پيغامات
    1,307
    شکریہ
    0
    50 پیغامات میں 68 اظہار تشکر

    باغیوں کا چوہوں کی طرح صفایا کردیا جائے‘ قذافی

    [size=x-large]تریپولی (مانیٹرنگ ڈیسک)لیبیا کے صدر کرنل قدافی نے مظاہرین کو دہشت گرد قرار دیتے ہوئے کہا ہے کہ یہ افراد لیبیا کو ایک اور افغانستان بنانا چاہتے ہیں جہاں بالآخر امریکا قابض ہو جائے۔
    لیبیا کے سرکاری ٹی وی پر قوم سے خطاب میں انہوں نے کہا کہ عوام ان افراد کو گرفتار کر کے غیر مسلح کر دیں۔مظاہرے کرنے والوں کو دہشت گرد ،بزدل اور غدار قرار دیتے ہوئے کرنل قدافی نے کہا ہے کہ یہ افراد لیبیا کو انتشار کا شکار ملک کے طور پر پیش کرنا چاہتے ہیں۔انہوں نے خطاب کے دوران لیبیا میں قانون کا درجہ رکھنے والی خود ان کی تصنیف کردہ گرین بک اپنے ہاتھ میں اٹھا رکھی تھی۔ انہوں نے کہا کہ جو لوگ لیبیا کو نقصان پہنچانا چاہتے ہیں ان کی سزا موت ہے۔انہوں نے نسبتاً جذباتی لہجے میں کہا کہ لیبیا میں اختیارات عوام کے پاس ہیں نہ کہ ان کے پاس۔
    کرنل معمر قدافی نے کہا کہ وہ ایک انقلابی رہنما ہیں جس کا مطلب ہے کہ وہ اپنی زندگی کے خاتمے تک قربانی دیں گے۔معمر قذافی نے مستعفی ہونے سے انکارکرتے ہوئے کہا کہ لیبیا انقلاب نہیں چاہتا ، حالات خراب کرنے میں غیر ملکی ہاتھ ملوث ہے جس کا مقصد لیبیا کا امیج خراب کرنا ہے۔
    معمر قذافی نے مظاہرین اور قوم سے اپیل کی کہ لیبیا کا نام عزت سے لیا جاتا ہے اسے خراب مت کریں۔انہوں نے واضح کیا کہ وہ کسی منصب کے طالب نہیں تاہم اس زمین کیلئے اگر انہیں اپنی جان بھی قربان کرنی پڑی تو والد کے نقش قدم پر چلتے ہوئے شہید ہو جائیں گے۔ان کا کہنا تھا کہ آج وہ جس گھر سے مخاطب ہیں یہاں ایک وقت ایسا بھی تھا جب 40 طیاروں نے بیک وقت اس پر حملہ کر دیا تھا لیکن یہاں امریکا سمیت دیگر سامراجی قوتوں کو اپنے عزائم میں کامیاب نہیں ہونے دیا گیا۔
    لیبیا کے صدر کرنل معمر قذافی نے ان خبروں کی تردید کی ہے کہ وہ ملک چھوڑ کر فرار ہو گئے ہیں۔ انہوں نے کہا کہ یہ ان کے خلاف ’نفرت آمیز‘ چینلز کی ’بغض پر مبنی افواہیں ہیں۔انہوں نے سرکاری ٹی وی پر ایک تباہ شدہ عمارت کے سامنے کھڑے ہو کر کہا کہ ’میں طرابلس ہوں نہ کہ وینزویلا میں۔
    انہوں نے کہا کہ غیر ملکی قوتوں کے سامنے گھٹنے نہیں ٹیکیں گے اور دشمنوں کا عزائم کا ڈٹ کا مقابلہ کیا جائے گا۔ بن غازی کو یرغمال بنانے والوں کو چوہوں کی طرح کچل دیں گے ۔ریاست کیخلاف ہتھیار اٹھانے والوں سے قانون کے مطابق نمٹیں گے ۔ لیبیا میرا ملک ہے‘میری جد و جہد سے لیبیا کو عظمت ملی،صرف صدر نہیں انقلابی قائد ہوں ۔ابھی تک سختی نہیں کی لیکن اب گولیاں استعمال کرینگی،فوج اورپولیس بغاوت کرنے والوں کوسختی سے کچل دیں۔انہوں نے جذباتی لہجے میں عوام سے کہا کہ کیاتم چاہتے ہوکہ ہم پربھی بم باری ہو۔کیاہم اسامہ بن لادن اورایمن الظواہری کے پیروکارہیں ؟،کیا تم یہ چاہتے ہو کہ تمہاراملک افغانستان یاپاکستان بن جائی؟قذافی کے خاندان پرجب امریکانے حملہ کیااسوقت خاموشی کیوں تھی،ہم نے امریکا،برطانیہ اورناٹوکامقابلہ کیا،ہتھیارڈالنانہیں جانتے ۔ہم نے بن غازی میں امریکاکی5فوجی اڈوں پرقبضہ کیاتھا،ہم نے امریکاسمیت متعددسامراجی قوتوں کویہاں شکست دی۔اگرآپ معمرقذافی سے محبت کرتے ہیں توکل میری حمایت میں باہر نکلیں۔میری حمایت میں نکلنے والے گمراہوں سے خودنمٹیں اور انہیں چوہوں کی طرح مار دیں ،کل سے نہیں بلکہ آج رات سے گھروں سے باہرنکلو،تخریب کاروں کاصفایا کردو۔لیبیاکانام فخرسے لیاجاتا ہے اسکونیچے کرنے کی کوشش مت کرو،کچھ لوگ لیبیا کا امیج خراب کر رہے ہیں۔
    [/size]

    [size=x-large] ناراضگی ظاہر کرنا دل میں برائی رکھنے سے بہتر ہے[/size]

  2. #2
    ناظم
    تاريخ شموليت
    Nov 2010
    پيغامات
    1,307
    شکریہ
    0
    50 پیغامات میں 68 اظہار تشکر

    RE: باغیوں کا چوہوں کی طرح صفایا کردیا جائے‘ قذافی

    [size=x-large][font=Alvi Nastaleeq] علامہ قرضاوی نے کرنل قذافی کے قتل کا فتوی دے دیا


    دوحہ(مرکز اطلاعات فلسطین) علماء اسلام کے عالمی اتحاد کے سربراہ شیخ یوسف قرضاوی نے اپنی ہی عوام کا قتل عام کرنے کی بنا پر لیبیا کے صدر کرنل قذافی کا خون جائز قرار دے دیا ہے۔ کرنل قذافی نے گزشتہ دنوں طرابلس میں جنگی جہازوں سے فائرنگ اور غیر ملکی کرائے کے قاتلوں کے ذریعے سیکڑوں ہم وطنوں کو مروا ڈالا ہے۔
    شیخ قرضاوی نے عرب ٹی وی چینل ’’الجزیرہ‘‘ سے گفتگو میں کہا ہے ’’میں اب قذافی کے قتل کا فتوی دے رہا ہوں، کسی بھی پولیس اہلکار، فوجی یا عام فرد کو ایسا کرنے کا موقع ملے تو وہ یہ کرڈالے تاکہ لیبیا کی عوام کو اس نیم پاگل شخص سے رہائی دلائی جا سکے‘‘ انہوں نے کہا کہ کسی بھی فوجی کے لیے جائز نہیں کہ وہ قذافی جیسے ظالم اور باغی حکمران کے احکامات پر عمل کرے۔
    علامہ قرضاوی کا کہنا تھا کہ قذافی اپنے ہوش کھو چکے ہیں اور عوام کے قتل عام کا ارتکاب کرکے اس نے جہنم میں جگہ بنالی ہے۔ انہوں نے قذافی کے گرد کام کرنے والے اہلکاروں سے مطالبہ کیا کہ وہ قذافی کے سامنے اس آیت کریمہ کا ورد کریں جس میں کسی مومن کو جان بوجھ کر قتل کرنے والے کا ٹھکانہ ہمیشہ کے لیے جہنم قرار دیا گیا ہے۔ اسی طرح ایک حدیث کے مطابق پوری دنیا کا خاتمہ اللہ کے ہاں ایک مسلمان کے قتل سے کم اہم ہے۔
    کرنل قذافی کے بیٹے سیف الاسلام کے خطاب پر تبصرہ کرتے ہوئے شیخ قرضاوی کا کہنا تھا کہ سیف، اسلام کی نہیں بلکہ جاہلیت کی تلوار ہے۔
    لیبیائی فوج کو خطاب کرتے ہوئے شیخ قرضاوی کا کہنا تھا۔ ’’آپ کی تعداد اس تیونس کی فوج سے کم نہیں ہے جس نے صدر زین العابدین کی جانب سے فائرنگ کے احکامات کو ماننے سے انکار کر دیا تھا اس طرح آپ اس مصری فوج سے بھی کم نہیں ہو جس نے ’’جمعہ غضب‘‘ کے مظاہرے کو کچلنے کے مصری صدر حسنی مبارک کے احکامات کے برخلاف قوم کا ساتھ دیا تھا‘‘
    شیخ نے فوج سے قوم پر اسلحہ نہ اٹھانے کا مطالبہ کیا اور کہا کہ ایک خبطی شخص کے پیچھے اپنی قوم پر تشدد سے گریز کریں۔
    ڈاکٹر قرضاوی نے لیبیائی قوم کو بھی صبر اور استقامت کی تلقین کی اور کہا کہ چاہے کتنی بھی قربانیاں دینا پڑیں انقلاب پر ثابت قدم رہا جائے، اس جدوجہد میں مرنے والے شہادت کے رتبے پر فائز ہونگے اور ان کا ٹھکانہ جنت الفردوس میں ہو گا۔
    شیخ قرضاوی نے اس موقع پر تیونس اور مصر کی قوم، حکومتوں، عرب لیگ، اسلامی سربراہی کانفرنس، افریقن یونین اور اقوام متحدہ سے بھی لیبیا میں جاری ظلم و ستم پر خاموش نہ رہنے کا مطالبہ کیا اور کہا کرنل قذافی اور اس کے ہمنواؤں کے خلاف لیبیائی قوم کی بھرپور مدد کی جائے۔

    [size=x-large] ناراضگی ظاہر کرنا دل میں برائی رکھنے سے بہتر ہے[/size]

متشابہہ موضوعات

  1. جوابات: 1
    آخری پيغام: 03-31-2012, 12:52 PM
  2. گلوں سے دوستی ہے ، شبنم ستانوں میں رہتا ہوں
    By سیما in forum میری پسندیدہ شاعری
    جوابات: 2
    آخری پيغام: 07-08-2011, 01:25 PM

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University