نتائج کی نمائش 1 تا: 5 از: 5

موضوع: متأثر کن شخصیت

  1. #1
    معاون
    تاريخ شموليت
    Dec 2010
    پيغامات
    55
    شکریہ
    4
    21 پیغامات میں 29 اظہار تشکر

    متأثر کن شخصیت

    کہتے ہیں ایک بچے نے کچھوا پال رکھا تھا، اُسے سارا دن کھلاتا پلاتا اور اُسکے ساتھ کھیلتا تھا۔سردیوں کی ایک یخ بستہ شام کو بچے نے اپنے کچھوے سے کھیلنا چاہا مگر کچھوا سردی سے بچنے اور اپنے آپ کو گرم رکھنے کیلئے اپنے خول میں چُھپا ہوا تھا۔بچے نے کچھوے کو خول سے باہر آنے پر آمادہ کرنے کی بُہت کوشش کی مگر بے سود۔ جھلاہٹ میں اُس نے ڈنڈا اُٹھا کر کچھوے کی پٹائی بھی کر ڈالی مگر کوئی نتیجہ نہ نکلا۔بچے نے چیخ چیخ کر کچھوے کو باہر نکنے پر راضی کرنا چاہامگر کچھوا سہم کر اپنے خول میں اور زیادہ دُبکا رہا۔بچے کا باپ کمرے میں داخل ہوا تو بچہ غصے سے تلملا رہا تھا۔باپ نے بچے سے پوچھا؛ بیٹے کیا بات ہے؟بچے نے اپنا اور کچھوے کا سارا قصہ باپ کو کہہ سُنایا، باپ نے مُسکراتے ہوتے بچے کا ہاتھ تھاما اور بولا اِسے چھوڑو اور میرے ساتھ آؤ۔ بچے کا ہاتھ پکڑے باپ اُسے آتشدان کی طرف لے گیا، آگ جلائی اور حرارت کے پاس ہی بیٹھ کر بچے سے باتیں کرنے لگ گیا۔ تھوڑی ہی دیر گُزری تھی کہ کچھوا بھی حرارت لینے کیلئے آہستہ آہستہ اُن کے پاس آ گیا۔ باپ نے مُسکرا کر بچے کی طرف دیکھا جو کچھوے کو دیکھ کر خوش ہو رہا تھا۔باپ نے بچے کو مُخاطب کرتے ہوئے کہا: بیٹے انسان بھی کچھوے کی طرح ہی ہوتے ہیں۔ اگر تم چاہتے ہو کہ وہ اپنے خول اُتار کر تمہارے ساتھ کھلے دِل سے ملیں تو اُنہیں اپنی مُحبت کی حرارت پہنچایا کرو، ناکہ اُنہیں ڈنڈے کے زور پر یا اپنا حُکم چلا کر۔پُر کشش اور جادوئی شخصیت والے لوگوں کے پوشیدہ رازوں میں سے ایک راز یہ بھی ہے کہ وہ:زندگی میں لوگوں کو اپنی مُحبت کی حِدت اور اپنے جذبات کی گرمی پہنچا کر اُنہیں اپنا گرویدہ بناتے ہیں، اُن کی تعریف و تحسین اور قدر سے اُن کے دِلوں میں اپنے لئے پیار اور چاہت کے جذبات پیدا کرتے ہیں اور پھر اِنہی جذبات کے بل بوتے پر اُن پر اور اُنکے دِلوں پر حکومتیں کرتے ہیں۔ اور انسانی مخلوق تو ہے ہی ایسی کہ کوئی بھی اُسکے دِل میں گھر نہیں کر سکتا سوائے اِس کے کہ اُس کے ساتھ جذبات کی گرمجوشی، سچے دِل اور روح کی پاکیزگی کے ساتھ مِلا جائے۔ حبیبنا و رسولنا سرکارِ دوعالم صلی اللہ علیہ وسلم نے لوگوں کے دلوں کو جیتنے کی حسرت رکھنے والوں کو احساس، اخلاق اور جذبات کی اہمیت ایسے ارشاد فرمائی ہے:عن أبي ھریرہ رضي اللہ عنہ قال: قال رسول اللہ صلی اللہ عليہ وسلم:إنكم لن تسعوا الناس بأموالكم ولكن يسعھم منكم بسط الوجہ وحسن الخلقرواہ أبویعلٰی والبزار بسند حسن من حدیث أبی ھریرہ رضی اللہ عنہ رفعہ
    اِس حدیث مبارک کا ترجمہ کُچھ یوں ہے: ابو ھریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:
    تم لوگوں کو اپنے کثرتِ مال کے ذریعے مسخر نہیں کرسکو گے۔ ہاں وہ ان سے مسخر ہوں گے جو ان سے خوشیاں بانٹے گا اور حسنِ خلق کا مظاہرہ کرے گا

  2. #2
    منتظم اعلی
    تاريخ شموليت
    Nov 2010
    پيغامات
    456
    شکریہ
    1
    11 پیغامات میں 12 اظہار تشکر

    RE: متأثر کن شخصیت

    بہت خوب جناب بوبی صاحب ،
    اخلاق کو سنوارنے کے لیے زبردست حکایت کو پیش کرنے پر آپ کا شکریہ
    اور ساتھ پیارے رسول اللہ صلی علیہ وسلم کی حدیث مبارک بھی بیان کی گئی ، اخلاق اور محبت سے انسان کسی کو متاثر کر سکتا ہے ،
    ............
    جزاک اللہ

  3. #3
    ناظم خاص تانیہ کا اوتار
    تاريخ شموليت
    Nov 2010
    مقام
    گجرات
    پيغامات
    7,859
    شکریہ
    949
    877 پیغامات میں 1,102 اظہار تشکر

    RE: متأثر کن شخصیت

    بہت خوب شیئرنگ ہے
    تھینکس

  4. #4
    ناظم اوشو کا اوتار
    تاريخ شموليت
    Dec 2010
    پيغامات
    357
    شکریہ
    58
    46 پیغامات میں 79 اظہار تشکر

    RE: متأثر کن شخصیت

    جزاک اللہ بوبی جی
    بہت پیاری بات شیئر کی آپ نے.

  5. #5
    ناظم
    تاريخ شموليت
    Feb 2011
    پيغامات
    3,081
    شکریہ
    21
    91 پیغامات میں 134 اظہار تشکر

    RE: متأثر کن شخصیت

    شئیرنگ کاشکریہ۔

متشابہہ موضوعات

  1. شلوار قمیض پر کڑھائی ، شخصیت کو نمایاں کرنے میں اہم
    By بلال جٹ in forum جدید فیشن اور ملبوسات
    جوابات: 1
    آخری پيغام: 11-14-2011, 02:32 AM
  2. ہاتھ آپ کی شخصیت کا آئینہ
    By تانیہ in forum گھریلو ٹوٹکے
    جوابات: 2
    آخری پيغام: 05-09-2011, 10:36 PM

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University