[size=large]کُڑی امیر دی منڈا غریب دا۔۔۔۔۔
تُوں کُڑی امیراں دی ، ابا تیرا وے سیاستدان
میں واں مُنڈا غریباں دا ، ابا میرا وے غریب کسان
تری ڈیفنس وِچ کوٹھی پورے چار کنالاں اُتے
ساڈا کچی آبادی دے وِچ دو منجیاں دا مکان
تُوں کھاوے روز ہوٹل وچ ، میکڈونلڈ تے پیرا
اسی وَڈے ہو گئے ہاں کھا کے چھولے تے نان
تُوں جاوے کلباں وِچ پا کے اَدھے کپڑے
اسی نچ لیندے میلیاں وِچ پا کے کَچھا تے بنیان
تُوں پھریں ٹھنڈی گَڈی وچ ، انارلی تے پینوراما
ساڈی ٹُوٹی سائیکل اُتے لنڈے تک اُڑان
تاڈے وچ بےحیائی ، فیشن بن کے ہے آئی
ساڈی تے کُڑی ویکھ کے نکل جاندی اے جان
توں کیتیاں پڑھائیاں جا کے امریکہ تے جاپان
اسی ٹاٹاں تے پڑھ کے سنبھالی دادے دی دکان
کھیڈاں اسی کھیڈیاں گلیاں وچ کھا کے چھتر
تاڈے واسطے حاضر سن وڈے وڈے میدان
دے کے ڈونیشن ، تیاڈی کالج وچ پکیاں سیٹاں
ساڈ ی واری شروع ہوجائے میرٹ دی گردان
تاڈے بچے نہ پڑھ کے فوج وچ کرنل ، جرنل
ساڈے بچے محنتاں کر کےچپڑاسی تے دربان
تیاڈے ویاواں عچ درجن ڈِشاں تے شراب
سانوں لا کے ون ڈش پابندی کیتا جے پریشان
آپی برضے لے کے آپی کردیندے نے معاف
بندہ اینہاں نوں پُچھے تیاڈے پیو دا اے پاکستان
چل طاہر چپ کر جا ایتھے کسے تری نئیں سننی
وادوں کھپ پائی تے تھانے وچ توں مہمان[/size]
[size=large]
طاہر جاوید طاہر کا مذاخیہ کلام[/size]