نتائج کی نمائش 1 تا: 4 از: 4

موضوع: ٹی ٹوئنٹی ورلڈ پاکستان آٹھ وکٹوں سے فاتح

  1. #1
    ناظم خاص تانیہ کا اوتار
    تاريخ شموليت
    Nov 2010
    مقام
    گجرات
    پيغامات
    7,870
    شکریہ
    949
    880 پیغامات میں 1,107 اظہار تشکر

    ٹی ٹوئنٹی ورلڈ پاکستان آٹھ وکٹوں سے فاتح

    [align=center][/align]

    ورلڈ ٹی ٹوئنٹی مقابلوں کے ابتدائی مرحلے کے آخری میچ میں پاکستان نے بنگلہ دیش کو آٹھ وکٹوں سے شکست دے دی۔ پاکستان نے مطلوبہ ہدف اوورز میں دو وکٹوں کے نقصان پر پورا کر لیا۔

    اس فتح کی مدد سے پاکستان نے سپر ایٹ مرحلے کے لیے بھی کوالیفائی کر لیا۔

    تمام پاکستانی بیٹس مینوں نے اچھی کارکردگی کا مظاہرہ کیا۔ پاکستانی اوپنر عمران نذیر نے شان دار بیٹنگ کرتے ہوئے صرف چھتیس گیندوں پر بہتر رنز بنائے۔ انھیں ابوالحسن کی گیند پر فرہاد رضا نے کیچ آوٹ کیا۔ کپتان محمد حفیظ سیتالیس گیندوں پر پینتالیس رنز بنا کر ابوالحسن ہی کا شکار بنے۔

    پاکستان کے ان فارم بیٹس میں ناصر جمشید نے بھی دھواں دھار بیٹنگ کی اور وہ چودہ گیندوں پر انتیس رنز بنا کر ناٹ آؤٹ رہے۔ کامران اکمل نے بھی عمدہ بیٹنگ کی اور وہ بائیس رنز بنا کر ناقابلِ شکست رہے۔

    اس سے پہلے بنگلہ دیش نے بیس اوورز کے اختتام پر چھ وکٹوں کے نقصان پر ایک سو پچھتر رنز بنائے تھے۔ البتہ پاکستان کو سپر ایٹ کے مرحلے کے لیے کوالیفائی کرنے کے لیے ایک سو چالیس رنز بنانا ہوں گے۔

    شکیب الحسن نے شاندار بیٹنگ کا مظاہرہ کرتے ہوئے چون گیندوں پر چوراسی رنز بنائے۔انھیں یاسر عرفات نے آؤٹ کیا۔ اس سے قبل سہیل تنویر نے یاسر ہی کی گیند پر شکیب کا انتہائی آسان کیچ چھوڑ دیا تھا۔

    یاسر عرفات پاکستان کے سب سے کامیاب باؤلر ثابت ہوئے۔ انھوں نے تین اوورز میں پچیس رنز دے کر تین وکٹیں لیں۔ سعید اجمل نے چار اووروں میں بتیس رنز دیے لیکن وہ کوئی وکٹ لینے میں ناکام رہے۔

    پاکستانی باؤلر عمر گل سب سے مہنگے ثابت ہوئے۔ انھوں نے تین اوورز میں تینتالیس رنز دیے۔شاہد آفریدی سب سے کفایتی بولر تھے جنھوں نے چار اوورز میں صرف بیس رنز دیے اور ایک وکٹ بھی حاصل کی۔

    میچ کا تفصیلی سکور کارڈ

    پالیکلے میں کھیلے جا رہے اس میچ کے لیے بنگلہ دیشی ٹیم میں ایک تبدیلی کی گئی تھی اور سپنر الیاس سنی کی جگہ فاسٹ بولر ابوالحسن کو کھلایا گیا جبکہ پاکستان نے نیوزی لینڈ کے خلاف فتح حاصل کرنے والی ٹیم کو ہی برقرار رکھا۔

    اس گروپ سے نیوزی لینڈ کی ٹیم بہتر رن ریٹ کی وجہ سے ہی سپر ایٹ میں جگہ بنا چکی ہے۔ نیوزی لینڈ نے پہلے میچ میں بنگلہ دیش کو انسٹھ رنز سے شکست دی تھی لیکن پاکستان کے خلاف اسے تیرہ رنز سے ناکامی کا سامنا کرنا پڑا۔

    بنگلہ دیشی کپتان مشفق الرحیم کا کہنا ہے کہ پاکستانی ٹیم ناقابل تسخیر نہیں ہے اور انہیں امید ہے کہ ان کےکھلاڑی اس اہم ترین میچ میں اچھی کارکردگی کا مظاہرہ کریں گے۔

    انہوں نے کہا کہ یقیناً پاکستانی بولنگ عالمی معیار کی ہے لیکن ان کے بلے باز انہیں کھیلنے کی صلاحیت رکھتے ہیں۔

    پاکستان کی ٹیم میں محمد حفیظ، عمران نذیر، ناصر جمشید، کامران اکمل، شعیب ملک، شاہد آفریدی، یاسر عرفات، سہیل تنویر، عمر گل اور سعید اجمل شامل ہیں۔

    بنگلہ دیش کی ٹیم تمیم اقبال، محمد اشرفل، شکیب الحسن، مشفق رحیم، محمود اللہ، ناصر حسین، ابو الحسن، ضیا الرحمٰن، مشرفی مرتضیٰ، عبدالرزاق اور شفیع الاسلام پر مشتمل ہے۔

    bbc urdu

  2. #2
    رکنِ خاص نگار کا اوتار
    تاريخ شموليت
    Dec 2011
    پيغامات
    5,360
    شکریہ
    663
    357 پیغامات میں 424 اظہار تشکر

    RE: ٹی ٹوئنٹی ورلڈ پاکستان آٹھ وکٹوں سے فاتح

    تمام پاکستانیوں کو میری طرف سے بہت بہت مبارک باد

  3. #3
    رکنِ خاص
    تاريخ شموليت
    Nov 2010
    پيغامات
    831
    شکریہ
    246
    110 پیغامات میں 168 اظہار تشکر

    RE: ٹی ٹوئنٹی ورلڈ پاکستان آٹھ وکٹوں سے فاتح

    خیر مبارک
    میری طرف سے بھی سب مبارک ہو

  4. #4
    رکنِ خاص
    تاريخ شموليت
    Jun 2012
    پيغامات
    5,446
    شکریہ
    138
    96 پیغامات میں 104 اظہار تشکر

    RE: ٹی ٹوئنٹی ورلڈ پاکستان آٹھ وکٹوں سے فاتح

    خیر مبارک
    اور میری طرف سے بھی سب کو بہت بہت مبارک ہو

متشابہہ موضوعات

  1. جوابات: 5
    آخری پيغام: 12-11-2012, 04:51 PM
  2. جوابات: 1
    آخری پيغام: 10-06-2012, 02:15 PM
  3. جوابات: 4
    آخری پيغام: 10-03-2012, 07:14 PM
  4. جوابات: 3
    آخری پيغام: 09-29-2012, 05:06 PM
  5. جوابات: 3
    آخری پيغام: 05-05-2012, 12:56 PM

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University