نتائج کی نمائش 1 تا: 4 از: 4

موضوع: کس قیامت کے یہ نامے۔۔۔۔۔۔

  1. #1
    معاون
    تاريخ شموليت
    Dec 2012
    پيغامات
    69
    شکریہ
    3
    7 پیغامات میں 8 اظہار تشکر

    Cool کس قیامت کے یہ نامے۔۔۔۔۔۔

    [size=x-large][align=center]مرزا نوشہ اسد اللہ خان غالبؔ کے نادر خطوط جو انہوں نے اپنی وفات تک اپنے شاگردوں ، دوستوں کو لکھے ، اور انہوں نے اپنی زندگی میں ہی اپنے خطوط کے مجموعے کتابی صورت میں شائع کیے۔
    کیا کہنے غالبؔ کی عالم گیر شہرت و مقبولیت کے، زمین پر تو چرچا تھا ہی عالم بالا اور عالمِ ارواح میں بھی جناب قبلہ غالبؔ کےڈنکے بجتے تھے، یہ تب کی بات ہے جب میں ابھی پیدا ہی نہیں ہوا تھا، اور عالمِ ارواح میں رہتا تھا، مجھے جنابِ غالبؔ سے ایک گونہ عقیدت اور اس سے بڑھ کر محبت سی ہو گئی،مجھے اچھی طرح یاد ہے کہ میں نے 3 جنوری 1869 ء کو شاگرد ہونے کی درخواست بھیجی ، جو کہ صد شکر غالبؔ نےقبول فرما لی، اور مجھے اپنی شاگردی میں لے لیا، یوں خاکسار کو بھی غالبؔ سے روحانی خط و کتابت کا شرف حاصل ہوا۔ لیکن اس وقت تک چونکہ (بقول غالبؔ)ان کی عالمِ خاکی سے رہائی کا وقت قریب تھا، اس لیے وہ جلد ہی عالمِ بالا تشریف لے آئے، اور مجھے قدموں میں رہنے کا موقع ملا۔
    پھر 1984 ء کا سال شروع ہوا۔ معلوم ہوا کہ اب کے جنت سے بے آبرو ہو کر نکلنے کی میری باری ہے، بس صاحبو!! حکمِ حاکم مرگِ مفاجات، داغِ جدائی دل پر لیے، روتا ہوا عالمِ خاکی میں آن وارد ہوا، آتے ہی میں نے صدا لگائی کہ"ایک کاغذ قلم کا سوال ہے بابا "تاکہ میں ایک خیریت سے پہنچنے کی اطلاع کا خط ہی لکھ کر بھیج سکوں، مگربجائے کہ کوئی ہماری بات پر کان دھرتا ایک صاحب نے ہمیں اٹھایا اور اپنا منہ میرے کان کے پاس لائے۔
    میں سمجھا کہ "کن کُرررررررر" کرنے والے ہیں ، لیکن اللہ اکبر اللہ اکبر کی صدا سن کر دل کو تسلی ہوئی کہ شکر ہے مسلمانوں والی بیرک میں ڈالا گیا ہوں ،اذان کے بعد میرا منہ میٹھا کرایا گیا، مگر میری بات پر کسی کی توجہ نہ تھی میں نے پھر ہاتھ پیر چلا چلا کر اپنے غصے کا اظہار کیا کہ اللہ کے بندو کوئی تو مجھے موبائل دے دے یا اگر ابھی موبائل فون کا رواج نہیں ہو ا تو کم از کم ایک قلم اور سادہ کاغذ ہی دے دے۔
    اللہ بخشے ایک نورانی صورت بی بی ، ہمیں دیکھ دیکھ کر مسکراتیں اور فرماتیں کہ حرکتیں تو دیکھو، یہ تو بڑا ہو کر شیطان کے بھی کان کاٹے گا، بعد میں معلوم پڑا کہ موصوفہ ہماری والدہ محترمہ ہیں ۔ ناچار تھک ہار کر کسی کو اپنا ہم زباں نہ پا کر صبر کے کڑوے گھونٹ پی کر رہ گیا۔ اور آخرکار وہ وقت آ ہی گیا کہ جب فدوی نے قلم پکڑنا سیکھ ہی لیا، میں ناصر کاظمی کی طرح یہ تو ہر گز نہیں کہوں گا کہ "میں نےجب لکھنا سیکھا تھا، تیراہی نام لکھا تھا" مگر یہ سچ ہے کہ جب میں پہلی بار کسی شعر پر وجد میں آیا تھا وہ قبلہ استادِ محترم کا ہی شعر تھا، یوں میں نے عالمِ خاکی میں دیوانے دل کو بہلانے کی سبیل نکالی ، غالب کوپڑھ پڑھ کر میں آدمی سے انسان بنا، میں نے زندگی کا مطلب غالبؔ سے سیکھا، اور اللہ بہتر جانتا ہے کہ مجھے میری ہر الجھن کا جواب دیوانِ غالبؔ سے ملا ، اگر میں چھوٹا غالبؔ نہ ہوتا تو یقیناً کچھ نہ ہوتا، سب سے بڑھ کر اللہ تعالیٰ کا لاکھ لاکھ شکر ہے، کہ اس نے میرے دل میں غالبؔ کی محبت ڈالی ، ورنہ ایسے کتنے ہی نام نہاد پڑھے لکھے ، ڈاکٹرز ، پروفیسرز کو جانتا ہوں جو غالبؔ کے غین میں گم ہو کر رہ جاتے ہیں ، اور سارا کا سارا علم دھرا کا دھرا رہ جاتا ہے، اور اللہ تعالیٰ کا کروڑ ہا شکر ہے کہ اس نے مجھ ناچیز کو غالبؔ کو سمجھنے کی ہمت اور توفیق دی، ورنہ بقول کسے "غالبؔ ادب کے سمندر کا برمودا ٹرائی اینگل ہیں ، جس میں علم کے جہاز صرف محبت کے قطب نما کی مدد سے منزل تک پہنچتے پاتے ہیں ، ورنہ استاد ذوق ؔ سے لیکر قیامت تک نجانے کتنےادب کے "جہاز" ڈوب مرتے رہیں گے" اور اس عمر میں جب کہ لڑکے لڑکیوں کو پرفیوم وغیرہ لگا کر خون سے خط لکھتے ہیں میں نے پہلا خط قبلہ استادِ محترم کو لکھا، اور وہ سلسلہ آج تک جاری و ساری ہے، اور انشاء اللہ میری عالمِ ارواح کو واپسی تک جاری رہے گا
    میں جانتا بس تم کو ہوں ٭٭ میں مانتا بس تم کو ہوں
    تم ہی میرا گیان ہو٭٭٭تم ہی میرا دھیان ہو
    کیسے بتاؤں میں تمہیں ٭٭ تم ہی تو میری جان ہو
    اسی سلسلے میں غالبؔ کے وہ خطوط جو اب تک کہیں نہ شائع ہوئے، نہ کسی نے پڑھے، عوام الناس کی بھلائی کیلئےپیش خدمت ہیں

    گر قبول افتد زہے عزو شرف[/align][/size]

  2. #2
    منتظم اعلی بےباک کا اوتار
    تاريخ شموليت
    Nov 2010
    پيغامات
    6,191
    شکریہ
    2,175
    1,249 پیغامات میں 1,624 اظہار تشکر

    RE: کس قیامت کے یہ نامے۔۔۔۔۔۔

    بچپن میں بزرگون نے نصیحت کی تھی بیٹا کسی کے خطوط پڑھنا انتہائی بد اخلاقی کے رمزے میں آتا ہے ،
    اپ ٹارزن ہوئے آپ کو تو کچھ نہیں ہو گا ، آپ تو کچھ ہوا تو جنگل نکل جائیں گے ، مگر شامت ہماری آئے گی ،
    اب آپ کی ہمت ہے کہ آپ ادھر خطوط لکھیں ، تاکہ وہ خطوط جو انتہائی پردے میں تھے اور معلوم نہیں کون کون سے نصیب دشمان تھے جن کے نامے مرزا غالب کے نام آتے رہے اور وہ ہمارے سامنے پیش نہیں ہوئے ۔جلدی پیش کرکے ثواب دارین حاصل کریں ،
    شکریہ اور اللہ حافظ

  3. #3
    رکنِ خاص نگار کا اوتار
    تاريخ شموليت
    Dec 2011
    پيغامات
    5,360
    شکریہ
    663
    357 پیغامات میں 424 اظہار تشکر

    RE: کس قیامت کے یہ نامے۔۔۔۔۔۔

    آپ نے بہت خوبصورت باتیں کی جن کو پڑھ پڑھ کر انسان خود کا اُسی زمانے کا تصور کر لیتا ہے
    بہترین شیئرنگ پہ آپ کا بہت بہت شکریہ
    ان شاء اللہ آپ سے ہم بہت کچھ سیکھتے رہینگے ، اس میں کوئی شک نہیں کہ بہت سے موضوعات میں ہم آپ کو
    منفرد پائینگے
    شکریہ

  4. #4
    معاون
    تاريخ شموليت
    Dec 2012
    پيغامات
    69
    شکریہ
    3
    7 پیغامات میں 8 اظہار تشکر

    RE: کس قیامت کے یہ نامے۔۔۔۔۔۔

    اقتباس اصل پيغام ارسال کردہ از: نگار پيغام ديکھيے
    آپ نے بہت خوبصورت باتیں کی جن کو پڑھ پڑھ کر انسان خود کا اُسی زمانے کا تصور کر لیتا ہے
    بہترین شیئرنگ پہ آپ کا بہت بہت شکریہ
    ان شاء اللہ آپ سے ہم بہت کچھ سیکھتے رہینگے ، اس میں کوئی شک نہیں کہ بہت سے موضوعات میں ہم آپ کو
    منفرد پائینگے
    شکریہ
    [size=x-large][align=center]ذرہ نوازی ہے جناب
    حوصلہ افزائی اور داد کیلئے شکر گزار ہوں
    جزاک اللہ[/align]
    [/size]

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University