نتائج کی نمائش 1 تا: 3 از: 3

موضوع: خیر الدین باربروسا

  1. #1
    رکنِ خاص ابوسفیان کا اوتار
    تاريخ شموليت
    Apr 2012
    پيغامات
    425
    شکریہ
    90
    13 پیغامات میں 18 اظہار تشکر

    خیر الدین باربروسا


    [align=center]
    خیر الدین باربروسا
    c. 1478 – 4 جولائی 1546

    خیرالدین باربروسا پاشا
    عرفیت باربروسا
    سرخ داڑھی
    خیرالدین
    قسم قزاق / سلطنت عثمانیہ امیر البحر
    جائے پیدائش جزیرہ لسبوس
    جائے وفات استنبول, سلطنت عثمانیہ
    وفاداری سلطنت عثمانیہ
    سرگرم c. 1500–1545
    عہدہ امیر البحر
    کارروائیوں کا مقام روم

    ☪☪
    ☪ ☪ ☪ ☪
    خیر الدین پاشا باربروسا (پیدائش: 1475ء، انتقال: 1546ء) ایک ترک قزاق تھا جو بعد ازاں سلطنت عثمانیہ کی بحری افواج کا سربراہ مقرر ہوا اور کئی دہائیوں تک بحیرہ روم میں اپنی طاقت کی دھاک بٹھائے رکھی۔ وہ یونان کے جزیرہ مڈیلی (موجودہ لیسبوس) میں پیدا ہوا۔ اس کا انتقال استنبول میں ہوا۔ اس کا اصل نام خضر یعقوب اوغلو (خضر ابن یعقوب) تھا۔ خیر الدین کا لقب اسے عظیم عثمانی فرمانروا سلطان سلیمان قانونی نے دیا تھا۔ باربروسا کا نام اس نے اپنے بڑے بھائی بابا عروج (عروج رئیس) سے حاصل کیا تھا جو الجزائر میں ہسپانویوں کے ہاتھوں شہید ہوا تھا۔

    بابا عروج کی زیر نگرانی ابتدائی زندگی
    ☪☪
    خضر چار بھائیوں اسحق، عروج اور الیاس میں سے ایک تھا جو 1470ء کی دہائی میں یعقوب آغا اور ان کی عیسائی بیوی قطرینہ کے ہاں پیدا ہوا۔ چند مورخین یعقوب کو ایک سپاہی قرار دیتے ہیں جبکہ چند کا کہنا ہے کہ وہ سالونیکا کے قریب وردار کے شہر میں عثمانی فوج ینی چری کا حصہ تھا۔ ابتداء میں چاروں بھائیوں نے مشرقی بحیرہ روم میں تاجر اور جہازراں اور بعد ازاں قزاق کی حیثیت سے کام کیا جہاں ان کا ٹکراؤ اکثر و بیشتر جزیرہ رہوڈس پر موجود سینٹ جانز کے ناءٹس سے ہوتا تھا۔ ان جھڑپوں میں الیاس قتل ہوا جبکہ عروج کو گرفتار کرلیا گیا اور رہوڈز میں قید میں رکھنے کے بعد بطور غلام فروخت کردیا گیا۔ وہ غلامی کی زندگی سے فرار حاصل کرنے میں کامیاب ہوا ور پہلے اٹلی اوربعد ازاں مصر پہنچا۔ جہاں وہ مملوک سلطان قانصوہ غوری سے ملاقات میں کامیاب ہوگیا جس نے عروج کو عیسائیوں کے زیر قبضہ بحیرہ روم کے جزائر پر حملے کے لئے ایک جہاز عطا کیا۔

    1505ء تک عروج نے تین مزید جہاز حاصل کرلئے اور جربا کے جزیرے پر چھاؤنی قائم کرنے میں کامیاب ہوگیا جس کی بدولت بحیرہ روم میں اس کارروائیوں کادائرہ مغرب کی جانب منتقل ہوگیا۔ 1504ء سے 1510ء کے دوران وہ اس وقت مشہور ہوا جب اس نے سقوط غرناطہ کے بعد عیسائیوں کے ہاتھوں اسپین سے نکالے گئے مسلمانوں کو شمالی افریقہ پہنچا۔ ہسپانوی مسلمانوں سے اس کا سلوک اتنا اچھا تھا کہ وہ ان میں بابا عروج کے نام سے مشہور ہوگیا اور یہی بابا عروج اسپین، اٹلی اور فرانس میں بگڑ کر باربروسا بن گیا۔ الجزیرہ کے لئے اسپین سے بچاؤ کاواحد راستہ عثمانی سلطنت میں ضم ہوجانا تھا اس لئے باربروسا نے الجزیرہ کو عثمانی سلطان کے سامنے پیش کردیا۔ سلطان نے الجزیرہ کو عثمانی سنجق (صوبہ) کے طور پر منظور کرلیا اور عروج کو ”پاشائے الجزیرہ“ اور ”مغربی بحیرہ روم میں بحری گورنر“ متعین کردیا۔ 1516ء میں عروج نے الجزیرہ پر قبضہ کر کرے بادشاہ بن بیٹھا۔ وہ دیگر شہروں پر بھی قبضہ کرنا چاہتا تھا لیکن 1518ء میں مقامی رہنما کی مدد کے لئے آنے والے ہسپانوی افواج کے خلاف جنگ کے دوران اپنے بھائی اسحاق سمیت ہلاک ہوگیا۔ اس کی عمر 55 سال تھی۔

    خیر الدین کے ابتدائی کارنامے
    ☪☪
    بھائی کے مارے جانے کے بعد خیر الدین نے اس کی پالیسی کو جاری رکھا اور اسپین سے مظلوم مسلمانوں کو شمالی افریقہ لاتا رہا جس کی بدولت اسے اسپین کے مخالف مسلمانوں کی بڑی تعداد کی حمایت حاصل ہوگئی۔ اس نے 1519ء میں الجزیرہ پر قبضے کی کوشش کرنے والی اسپین اور اٹلی کی مشترکہ فوج کو شکست دی۔ 1529ء میں اس نے ایک ساحلی جزیرے پر ہسپانوی قلعے پر بھی قبضہ کرلیا۔ 1530ء میں اینڈریا ڈوریا نے باربروسا کو شکست دینے کے لئے حملے کی کوشش کی لیکن باربروسا کے بحری بیڑے کی آمد سے قبل ہی ڈر کر فرار ہوگیا۔


    اٹلی کے جزیرے پر واقع باربروسا قلعہ جس کا نام خیر الدین سے موسوم ہے جس نے 1535ء میں اس قلعے کو فتح کیا
    ════════════════

    خیرالدین بطور ایڈمرل پاشا
    ☪☪
    1532ء میں سلیمان اعظم نے عثمانی بحری بیڑے کی تشکیل کے لئے باربروسا کو استنبول طلب کیا۔ سلطان نے باربروسا کو بحیرہ روم کا ایڈمرل پاشا (ایڈمرل ان چیف) اور شمالی افریقہ کا بیلربے (کمانڈر ان چیف) مقرر کیا اور بحری بیڑے کی کمان اس کے سپرد کردی۔ باربروسا نے سب سے پہلے جنوبی اٹلی کے ساحلوں پر حملے کئے اور 1534ء میں تیونس پر قبضہ کرلیا اور حفصی سلطان مولائے حسن فرار ہوگیا۔ مولائے حسن نے اپنی سلطنت دوبارہ حاصل کرنے کے لئے چارلس پنجم سے مدد طلب کی اور اسپین اور فرانس کی ایک عظیم فوج نے 1535ء میں بونے اور مہدیہ سمیت تیونس باربروسا سے چھین لیا۔

    یورپ کے متحدہ بحری بیڑے کو عبرتناک شکست
    ☪☪
    1537ء میں لطفی پاشا اور باربروسا نے جزائر آیونین اور جنوبی اٹلی کے خلاف ایک زبردست عثمانی فوج کی قیادت کی اور باربروسا نے سلطنت وینس سے کورفو چھین لیا جس پر فروری 1538ء میں پاپ پال سوئم نے عثمانیوں کے خلاف اتحاد تشکیل دیا جس میں پاپائے روم، اسپین، رومی سلطنت، وینس اور مالٹا کی افواج شامل تھیں لیکن ستمبر 1538ء میں باربروسا نے جنگ پریویزا میں اس مشترکہ عیسائی فوج کو زبردست شکست دی جس کی قیادت اینڈریا ڈوریا کے ہاتھوں میں تھی۔ اس فتح کی بدولت بحیرہ روم میں اگلے 33سال (1571ء میں جنگ لپانٹو تک) تک ترکوں کو مکمل برتری حاصل رہی۔


    استنبول میں آبنائے باسفورس کے ساتھ واقع ترک بحری عجائب گھر کے قریب باربروسہ کا مجسمہ
    ════════════════

    مزید فتوحات اور امن معاہدہ
    ☪☪
    اگلے سال باربروسا نے وینیٹیئنس سے کاسل نووو چھین لیا جسے انہوں نے جنگ پریویزا کے بعد ترکوں سے حاصل کرلیا تھا۔ اس نے بحیرہ آیونین اور ایجیئن میں عیسائیوں کے باقی ماندہ ٹھکانوں کا بھی خاتمہ کردیا۔ بالآخر وینس نے امن معاہدے کی درخواست کی جس کے بعد 1540ء میں سلطان سلیمان اور وینس کے درمیان امن معاہدے پر دستخط ہوئے۔ اکتوبر 1541ء میں چارلس پنجم نے الجزیرہ کا محاصرہ کرکے مغربی بحیرہ روم میں ہسپانوی اور عیسائی بحری بیڑے کو لاحق خطرات کا خاتمہ کرنے کی کوشش کی لیکن ایک زبردست سمندری طوفان کے باعث اسے ساحل پراترنے میں شدید مشکلات پیش آئیں تاہم زمین پر لڑی گئی غیر فیصلہ کن جنگ کے بعد چارلس نے ناامید ہوکر فوج واپس بلالی۔

    مغربی بحیرہ روم میں نئی مہمات
    ☪☪
    1543ء میں باربروسا نے ایک عظیم بحری بیڑے کے ساتھ مغربی بحیرہ روم میں نئی مہمات کا آغاز کیا اور اٹلی اور اسپین کے جزائر اور ساحلی علاقوں پر حملے کئی۔ اس نے فرانسیسی ساحلی شہر نیس پر قبضہ کرلیا۔ اس نے اپنے بیڑے کے ہمراہ موسم سرما ٹولون میں گذارا اور اگلے موسم بہار میں اسپین اور اٹلی کے اتحادی بیڑے کو ایک مرتبہ پھر زبردست شکست دی اور ریاست ناپولی کے قلب تک حملے کئی۔ اس نے اطالوی شہر جینووا پر حملے کرنے کی دھمکی دی لیکن تین ہزار دوکات اور اپنے لیفٹیننٹ اور دوست طرغت رئیس کو رہا کرنے کے عوض حملہ سے باز رہا۔ طرغت 1540ء میں گرفتار ہونے کے بعد جینووا میں قید تھا اور ایک جہاز پر غلام کے طور پر کام کررہا تھا۔ بعد ازاں اس نے جنوبی فرانس میں اسپین کے کئی حملوں کا بھرپور جواب دیا اور 1544ء میں چارلس پنجم اور سلیمان اعظم کے درمیان معاہدے کے بعد استنبول پہنچ گیا۔

    سبکدوشی اور سوانح حیات کی تحریر
    ☪☪
    باربروسا 1544ء میں استنبول میں سبکدوش ہوگیا اور الجزیرہ میں اس کے صاحبزادے حسن پاشا کو جانشیں مقرر کیا گیا۔ اس نے اپنی سوانح حیات ”غزوات خیر الدین پاشا“ بھی تحریر کی جو ہاتھ سے لکھی گئی 5 جلدوں پر مشتمل ہے۔ اس سوانح حیات کی جلدیں آجکل توپ کاپی محل اور جامعہ استنبول کے کتب خانے میں موجود ہیں۔

    انتقال

    خیر الدین پاشا باربروسا کا انتقال 1546ء میں استنبول میں آبنائے باسفورس کے کنارے واقع اپنے محل میں ہوا۔ اس کا مزار استنبول میں ترک بحری عجائب خانے کے قریب موجود ہے ۔ ترک بحریہ کے متعدد جہازوں کے نام اسی پررکھے گئے ہیں۔ آج بھی ترک بحریہ کا کوئی جہاز آبنائے باسفورس سے گذرتا ہے تو اس کے مقبرے کی طرف سلامی دیتا ہے۔

    ☪☪☪☪☪☪☪☪☪☪☪☪☪
    [size=xx-small]
    ڈائریکٹ:ویکیپیڈیاسے
    [/align][/size]

  2. #2
    رکنِ خاص
    تاريخ شموليت
    Nov 2010
    پيغامات
    831
    شکریہ
    246
    110 پیغامات میں 168 اظہار تشکر

    خیر الدین باربروسا

    میں نے صرف باربروسا نام سنا تھا آج آپ نے ان کا اصلی نام لکھا بہت بہت شکریہ جناب اتنی مفید معلومات دینے کا

  3. #3
    رکنِ خاص ابوسفیان کا اوتار
    تاريخ شموليت
    Apr 2012
    پيغامات
    425
    شکریہ
    90
    13 پیغامات میں 18 اظہار تشکر

    خیر الدین باربروسا


متشابہہ موضوعات

  1. موساد
    By ابوسفیان in forum قلم و کالم
    جوابات: 2
    آخری پيغام: 11-26-2012, 04:33 PM
  2. اردو منظر کو دوسری سالگرہ مبارک
    By تانیہ in forum اردو منظر کامیابی کی طرف گامزن ،
    جوابات: 21
    آخری پيغام: 08-13-2012, 06:23 PM
  3. اردو منظر کو دوسری سالگرہ مبارک ہو
    By اذان in forum اردو منظر کامیابی کی طرف گامزن ،
    جوابات: 0
    آخری پيغام: 08-12-2012, 01:29 AM
  4. دوسری ہجرت
    By گلاب خان in forum متفرق موضوعات
    جوابات: 1
    آخری پيغام: 06-28-2012, 09:51 PM
  5. مختلف افراد معاشرہ کا ایک دوسرے پر حق
    By تانیہ in forum اسلامی خطبات
    جوابات: 1
    آخری پيغام: 11-25-2010, 10:54 AM

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University