نتائج کی نمائش 1 تا: 3 از: 3

موضوع: لپ اسٹک استعمال کریں مگر احتیاط سے

  1. #1
    ناظم خاص تانیہ کا اوتار
    تاريخ شموليت
    Nov 2010
    مقام
    گجرات
    پيغامات
    7,874
    شکریہ
    949
    881 پیغامات میں 1,108 اظہار تشکر

    لپ اسٹک استعمال کریں مگر احتیاط سے





    خواتین کے بناؤ سنگھار میں لپ اسٹک کو ایک لازمی جزو سمجھا جاتا ہے جس کے بغیر ان کا میک اپ ادھورا رہتا ہے۔ لیکن ایک تحقیق کے نتیجے میں خواتین کو خبردار کیا گیا ہے کہ زیادہ تر مقبول لپ اسٹک اور لپ گلوs میں زہریلی دھاتیں استعمال کی جاتی ہیں۔

    یہ مہلک دھاتیں انسانی جسم کی ضرورت نہیں ہوتیں لیکن یہ خون میں آسانی سے تحلیل ہو جاتی ہیں۔ عام طور پر کاسمیٹکس مصنوعات میں کرومیم موجود ہوتا ہے لہذا ایسی خواتین جنھیں زیادہ تر میک اپ میں رہنا پڑتا ہے ان میں اس کمیکل کی شرح خطرناک حد تک بڑھ سکتی ہے۔ جو انھیں پھپھڑوں کے سرطان یا پیٹ کے سرطان میں مبتلا کرنے کا باعث بن سکتی ہے۔

    تجزیہ کاروں کا کہنا ہے کہ جو خواتین زیادہ تر ایک ہی طرح کے رنگوں کی لپ اسٹک اور لپ گلوس استعمال کرتی ہیں ان میں المونیم اور مینگینیز کی مقدار نقصان دہ حد تک بڑھ سکتی ہے۔

    'کیلی فورنیا یونیورسٹی ' بارکلے' کے سائنسی تجزیہ کاروں کی جانب سے کی جانے والی اس تحقیق میں لڑکیوں اور خواتین سے ان کی پسندیدہ لپ اسٹک کے رنگ اور برانڈ معلوم کئے گئے جبکہ ان کے بیگ میں موجود لپ گلوس اور شام کی تقریبات کے لیے استعمال ہونے والے مخصوص رنگوں کی لپ اسٹک کے بارے میں بھی معلومات جمع کی گئیں جس کے بعد لڑکیوں کی پسندیدہ 32 لپ اسٹکس کو لیبارٹری میں تحقیق کے لیے منتخب کیا گیا ۔

    'جنرل انوائرمینٹل ہیلتھ' میں شائع ہونے والے نتیجےکے مطابق ہے تحقیق میں استعمال کی جانے والی تمام لپ اسٹک اور لپ گلوس میں کمیکلز کی بھاری مقدار شامل تھی جو انسانی صحت کے لیے مضر ہیں ۔

    گذشتہ تحقیق میں بتایا گیا تھا کہ اگرجسم میں المونیم کی مقدار بڑھ جائے تو اس سے الزائمرز کاخطرہ پیدا ہو سکتا ہے جبکہ مینگنیز نامی دھات کی زیادتی انسان کے موڈ اور یاداشت کو متاثر کر سکتی ہے ۔



    ​ تحقیق میں شامل تجزیہ کار کیتھرین ہیمنڈ نے کہا کہ ،تحقیق کا نتیجہ زہریلی دھاتوں کی موجودگی سے کہیں زیادہ ان کی مقدار کے حوالے سے تشویش کا باعث ہے ۔ وہیں یہ بات بھی حیرانگی کا باعث ہے کہ تحقیق میں شامل تمام لپ اسٹک اور لپ گلوس مضر صحت نہ ہونے کی گارنٹی کے ساتھ بیچی جاتی ہیں۔

    اگرچہ ان لپ اسٹک کےناموں کو ظاہر نہیں کیا گیا ہے لیکن یہ بتایا گیا ہے کہ اس جانچ میں سستی اور مہنگی دونوں طرح کی مقبول لپ اسٹک استعمال کی گئی تھیں جو بازاروں اور ڈپارٹمنٹل اسٹورں پرباآسانی دستیاب ہیں۔

    ایک تجارتی ادارہ کاسمیٹکس ’ٹوئلٹری اینڈ پرفیوم‘ سے تعلق رکھنے والے کرس فلاور نے تحقیق کے نتیجے کے بارے میں کہا لپ اسٹک میں استعمال کیا جانے والا فارمولا ساری دنیا میں کم وبیش ایک سا ہی ہوتا ہے۔

    تحقیق کے سربراہ کے مطابق اگرچہ تحقیق کا نتیجہ کسی بہت بڑے خطرے کی پیشن گوئی نہیں سمجھا جا سکتا ہے تاہم یہ نتیجہ صحت ِعامہ کے اداروں کو جگانے کا ذریعہ بن سکتا ہے۔





    وائس آف امریکہ



  2. اس مفید مراسلے کے لئے درج ذیل 2 اراکین نے تانیہ کا شکریہ ادا کیا:

    بےباک (12-05-2013),نگار (07-27-2013)

  3. #2
    رکنِ خاص نگار کا اوتار
    تاريخ شموليت
    Dec 2011
    پيغامات
    5,360
    شکریہ
    663
    357 پیغامات میں 424 اظہار تشکر

    جواب: لپ اسٹک استعمال کریں مگر احتیاط سے

    مطلب مردوں کے لیے کوئی چوائس نہیں کہ وہ بھی خوبصورت نظر آئے ؟؟؟؟؟
    شیئرنگ تو اچھی ہے لیکن ہم مردوں کا بھی کچھ خیال کریں اور تھوڑا بہت حصہ ہمارا بھی رکھا کریں

  4. #3
    مبتدی
    تاريخ شموليت
    Jan 2014
    پيغامات
    7
    شکریہ
    0
    0 پیغامات میں 0 اظہار تشکر

    جواب: لپ اسٹک استعمال کریں مگر احتیاط سے

    نائس شئیرنگ ۔ شکریہ

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University