نتائج کی نمائش 1 تا: 2 از: 2

موضوع: خوبصورت نعت شریف

  1. #1
    ناظم
    تاريخ شموليت
    Nov 2010
    پيغامات
    1,307
    شکریہ
    0
    50 پیغامات میں 68 اظہار تشکر

    خوبصورت نعت شریف

    خوبصورت نعت شریف

    کمالِ خلّاق ذات اُسکی
    جمالِ ہستی حیات اُسکی
    بشر نہیں عظمتِ بشر ہے

    مرا پیمبر (صلی اللہ علیہ وآلہ وسلم) عظیم تر ہے

    وہ شرحِ احکامِ حق تعالٰی
    وہ خود ہی قانون خود حوالہ
    وہ خود ہی قرآن خود ہی قاری
    وہ آپ مہتاب آپ ہالہ
    وہ عکس بھی اور آئینہ بھی
    وہ نکتہ بھی خط بھی دائرہ بھی
    وہ خود نظارہ ہے خود نظر بھی

    مرا پیمبر (صلی اللہ علیہ وآلہ وسلم) عظیم تر ہے

    شعور لایا کتاب لایا
    وہ حشر تک کا نصاب لایا
    دیا بھی کامل نظام اسنے
    اور آپ ہی انقلاب لایا
    وہ علم کی اور عمل کی حد بھی
    ازل بھی اسکا اور ابد بھی
    وہ ہر زمانے کا راہبر ہے

    مرا پیمبر (صلی اللہ علیہ وآلہ وسلم) عظیم تر ہے

    ہر اک پیمبر نہاں ہے اس میں
    ہجومِ پیمبراں ہے اس میں
    وہ جس طرف ہے خدا ادھر ہے

    مرا پیمبر (صلی اللہ علیہ وآلہ وسلم) عظیم تر ہے

    بس ایک مشکیزہ اک چٹائی
    ذرا سے جو اک چارپائی
    بدن پہ کپڑے واجبی سے
    نہ خوش لباسی نہ خوش طباعی
    یہی ہے کل کائنات جسکی
    گنی نہ جائیں صفات جسکی
    وہی تو سلطانِ بحر و بر ہے

    مرا پیمبر (صلی اللہ علیہ وآلہ وسلم) عظیم تر ہے؎

    جو اپنا دامن لہو سے بھر لے
    مصیبتیں اپنی جان پر لے
    جو تیغ زن سے لڑے نہتا
    جو غالب آکر بھی صلح کر لے
    اسیر دشمن کی چاہ میں بھی
    مخالفوں کی نگاہ میں بھی
    امیں ہے صادق ہے معتبر ہے

    مرا پیمبر (صلی اللہ علیہ وآلہ وسلم) عظیم تر ہے

    جسے شہِ شش جہات دیکھوں
    اسے غریبوں کے ساتھ دیکھوں
    کدال پر بھی وہ ہاتھ دیکھوں
    لگے جو مزدور شاہ ایسا
    نہ زر نہ دھن سربراہ ایسا
    فلک نشیں کا زمین پہ گھر ہے

    مرا پیمبر (صلی اللہ علیہ وآلہ وسلم) عظیم تر ہے

    وہ خلوتوں میں بھی صف بہ صف بھی
    وہ اس طرف بھی وہ اس طرف بھی
    محاذ و منبر ٹھکانے اس کے
    وہ سر بسجدہ وہ سر بکف بھی
    کہی وہ موتی کہیں ستارہ
    وہ جامعیت کا استعارہ

    مرا پیمبر (صلی اللہ علیہ وآلہ وسلم) عظیم تر ہے

    [size=x-large] ناراضگی ظاہر کرنا دل میں برائی رکھنے سے بہتر ہے[/size]

  2. #2
    منتظم اعلی بےباک کا اوتار
    تاريخ شموليت
    Nov 2010
    پيغامات
    6,171
    شکریہ
    2,134
    1,241 پیغامات میں 1,615 اظہار تشکر

    جواب: خوبصورت نعت شریف

    مرا پیمبر (صلی اللہ علیہ وآلہ وسلم) عظیم تر ہے
    بہت ہی خوب ،
    جزاک اللہ
    ہم کو کمال حاصل ہے غم سے خوشیاں نچوڑ لیتے ہیں ۔
    اردو منظر ٰ معیاری بات چیت

آپ کے اختيارات بسلسلہ ترسيل پيغامات

  • آپ نئے موضوعات پوسٹ نہیں کر سکتے ہیں
  • آپ جوابات نہیں پوسٹ کر سکتے ہیں
  • آپ اٹیچمنٹ پوسٹ نہیں کر سکتے ہیں
  • آپ اپنے پیغامات مدون نہیں کر سکتے ہیں
  •  
Cultural Forum | Study at Malaysian University