ﺳﻨﻮ ﺍﮮ ﻣﺤﺮﻡِ ﮨﺴﺘﯽ !
ﺳﻨﻮ ﺍﮮ ﺯﯾﺴﺖ ﮐﯽ ﺣﺎﺻﻞ !
ﻣﺠﮭﮯ ﮐﭽﮫ ﺩﻥ ﮨﻮﺋﮯ ﺷﺪﺕ ﺳﮯ ﯾﮧ ﻣﺤﺴﻮﺱ ﮨﻮﺗﺎ ﮨﮯ
ﮐﮧ ﻣﯿﮟ ﺩﻧﯿﺎ ﻣﯿﮟ ﺧﻮﺩ ﮐﻮ ﺟﺲ ﻗﺪﺭ ﺑﮭﯽ ﮔﻢ ﮐﺮﻭﮞ
ﻣﺠﮫ ﮐﻮ ﺗﻤﮩﺎﺭﺍ ﺩﮬﯿﺎﻥ ﺭﮨﺘﺎ ﮨﮯ
ﻣﯿﺮﮮ ﻣﻌﻤﻮﻝ ﮐﮯ ﺳﺐ ﺭﺍﺳﺘﮯ ﺍﺏ ﺑﮭﯽ
ﺗﻤﮩﺎﺭﯼ ﺳﻮﭺ ﺳﮯ ﮨﻮ ﮐﺮ ﮔﺰﺭﺗﮯ ﮨﯿﮟ
ﺗﻤﮩﺎﺭﯼ ﻣﺴﮑﺮﺍﮨﭧ ﺁﺝ ﺑﮭﯽ ﺍﺱ ﺯﻧﺪﮔﯽ ﻣﯿﮟ ﺭﻭﺷﻨﯽ ﮐﺎ
ﺍﺳﺘﻌﺎﺭﮦ ﮨﮯ
ﺗﻤﮩﺎﺭﮮ ﮨﺠﺮ ﺳﮯ ﺍﺏ ﺗﮏ ﻣﯿﺮﮮ ﺩﻝ ﮐﮯ ﺩﺭﻭﺩﯾﻮﺍﺭ
ﭘﺮﻭﺣﺸﺖ ﺑﺮﺳﺘﯽ ﮨﮯ
ﻣﯿﺮﮮ ﺍﻧﺪﺭ ﮐﯽ ﻭﯾﺮﺍﻧﯽ ﻣﺠﮭﮯ ﮨﺮ ﺁﻥ ﮈﺳﺘﯽ ﮨﮯ
ﺑﮩﺖ ﺳﮯ ﺍﻥ ﮐﮩﮯ ﺟﺬﺑﮯ ﺟﻮ ﮨﻢ ﻣﺤﺴﻮﺱ ﮐﺮﺗﮯ ﺗﮭﮯ
ﻭﮦ ﻣﺠﮫ ﺳﮯ ﺑﺎﺕ ﮐﺮﺗﮯ ﮨﯿﮟ
ﻣﯿﺮﯼ ﺗﻨﮩﺎﺋﯿﮟ ﺍﺏ ﺑﮭﯽ ﺗﻤﮩﺎﺭﮮ ﻋﮑﺲ ﮐﯽ ﭘﺮﭼﮭﺎﺋﯿﻮﮞ ﮐﻮ
ﮈﮬﻮﻧﮉ ﻟﯿﺘﯽ ﮨﯿﮟ
ﺳﻨﻮ ﺍﮮ ﻣﺤﺮﻡِ ﮨﺴﺘﯽ !
ﻣﯿﮟ ﺍﭘﻨﮯ ﺁﭖ ﺳﮯ ﮐﺐ ﺗﮏ ﻟﮍﻭﮞ
ﮐﺐ ﺗﮏ ﻣﯿﮟ ﺧﻮﺩ ﺳﮯ ﺟﮭﻮﭦ ﺑﻮﻟﻮﮞ
ﻣﯿﮟ ﺗﻤﮩﺎﺭﮮ ﺑﻌﺪ ﺯﻧﺪﮦ ﮨﻮﮞ, ﻣﮑﻤﻞ ﮨﻮﮞ, ﻣﯿﮟ ﺍﭘﻨﮯ
ﮐﮭﻮﮐﮭﻠﮯ ﭘﻦ ﮐﻮ ﭼﮭﭙﺎﻭﮞ ﮐﺲ ﻃﺮﺡ ﺧﻮﺩ ﺳﮯ
ﺍﭨﮭﺎﺋﮯ ﮐﺐ ﺗﻠﮏ ﺭﮐﮭﻮﮞ ﺍﻧﺎ ﮐﺎ ﻣﺎﺗﻤﯽ ﭘﺮﭼﻢ
ﻣﯿﮟ ﮐﺐ ﺗﮏ ﯾﮧ ﮐﮩﻮﮞ ﺳﺐ ﺳﮯ
ﮐﮧ ﻣﯿﮟ ﺍﺱ ﮨﺠﺮ ﻣﯿﮟ ﺧﻮﺵ ﮨﻮﮞ
ﺳﻨﻮ ﺍﮮ ﺯﯾﺴﺖ ﮐﯽ ﺣﺎﺻﻞ !
ﻣﺠﮭﮯ ﺍﻗﺮﺍﺭ ﮐﺮﻧﺎ ﮨﮯ،
ﻣﯿﮟ ﺍﭘﻨﮯ ﺁﭖ ﺳﮯ ﻟﮍﺗﮯ ﮨﻮﺋﮯ ﺍﺏ ﺗﮭﮏ ﭼﮑﺎ ﮨﻮﮞ
ﮐﮧ ﻣﯿﮟ ﺗﻮ ﺍﺱ ﻟﮍﺍﺋﯽ ﻣﯿﮟ
ﮐﺌﯽ ﺭﺍﺗﻮﮞ ﮐﯽ ﻧﯿﻨﺪﯾﮟ ﺍﻭﺭ ﮐﺌﯽ ﺧﻮﺷﯿﻮﮞ ﺑﮭﺮﮮ ﻣﻮﺳﻢ
ﻓﻘﻂ ﺍﮎ ﺟﮭﻮﭦ ﻣﯿﮟ ﺟﯿﻨﮯ ﮐﯽ ﺧﺎﻃﺮ ﮨﺎﺭ ﺁﯾﺎ ﮨﻮﮞ
ﺳﻨﻮ ﺍﮮ ﻣﺤﺮﻡ ﮨﺴﺘﯽ !
ﺗﻤﮩﺎﺭﯼ ﺧﻮﺍﺏ ﺳﯽ ﺁﻧﮑﮭﻮﮞ ﻧﮯ ﻣﺠﮫ ﮐﻮ ﺑﺎﻧﺪﮪ ﺭﮐﮭﺎ ﮨﮯ
ﻣﯿﮟ ﺍﻥ ﺩﯾﮑﮭﯽ ﯾﮧ ﮈﻭﺭﯾﮟ ﺗﻮﮌﻧﮯ ﮐﺎﺳﻮﭼﺘﺎ ﮨﻮﮞ ﺟﺐ
ﺗﻮ ﻣﯿﺮﯼ ﺳﺎﻧﺲ ﺭﮐﺘﯽ ﮨﮯ
ﻣﯿﮟ ﺑﺰﺩﻝ ﮨﻮﮞ, ﺗﻤﮩﯿﮟ ﮐﮭﻮﻧﮯ ﺳﮯ ﻣﺠﮫ ﮐﻮ ﺧﻮﻑ ﺁﺗﺎ ﮨﮯ
ﺗﻤﮩﺎﺭﮮ ﮨﺠﺮ ﻣﯿﮟ ﺟﯿﻨﺎ ﺗﻤﮩﯿﮟ ﮐﮭﻮﻧﮯ ﺳﮯ ﺑﮩﺘﺮ ﮨﮯ
ﺳﻨﻮ ﺍﮮ ﻣﺤﺮﻡ ﮨﺴﺘﯽ !
ﻣﺠﮭﮯ ﺗﺴﻠﯿﻢ ﮐﺮﻧﮯ ﺩﻭ !
ﻣﯿﺮﯼ ﺍﺱ ﺯﻧﺪﮔﺎﻧﯽ ﮐﺎ ﺗﻤﮩﯽ ﺭﻭﺵ ﺣﻮﺍﻟﮧ ﮨﻮ
ﻣﯿﺮﯼ ﺗﮑﻤﯿﻞ ﺗﻢ ﺳﮯ ﮨﮯ
ﺗﻤﮩﺎﺭﮮ ﮨﺠﺮ ﻣﯿﮟ ﺟﯿﻨﺎ ﺑﮩﺖ ﺩﺷﻮﺍﺭ ﮨﮯ ﻟﯿﮑﻦ
ﺗﻤﮩﯿﮟ ﮐﮭﻮﻧﮯ ﺳﮯ ﺑﮩﺘﺮ ﮨﮯ
ﺗﻤﮩﯿﮟ ﮐﮭﻮﻧﮯ ﮐﺎ ﺳﻮﭼﻮﮞ ﺑﮭﯽ ﺗﻮ ﻣﯿﺮﯼ ﺳﺎﻧﺲ ﺭﮐﺘﯽ ﮨﮯ
ﺳﻨﻮ ﺍﮮ ﻣﺤﺮﻡِ ﮨﺴﺘﯽ !
ﺳﻨﻮ ﺍﮮ ﺯﯾﺴﺖ ﮐﯽ ﺣﺎﺻﻞ